O '''Pallacanestro Varese''' é un equipo de [[baloncesto]] [[Italia|italianoitalia]]no da localidade de [[Varese]], na [[Lombardía]]. Fundado en [[1946]], é xunto co [[Olimpia Milano]] e o [[Virtus Bologna]] o equipo italiano con máis títulos. Durante os anos 1960 e 1970 foi considerado o mellor equipo de [[Europa]] e un dos mellores do mundo, sendo durante estes anos cando acadou a meirande parte dos seus títulos. Durante aqueles anos, ademais de múltiples e variados títulos, fixo algúns récords aínda non superados: disputou 10 finais consecutivas da [[Euroliga|Copa de Europa]] entre [[1970]] e [[1979]], e estivo 13 anos imbatido en competicións europeas, colleitando 46 vitorias consecutivas entre o [[10 de marzo]] de [[1965]] e o [[25 de xaneiro]] de [[1978]].
A pesar de que o seu nome oficial é Pallacanestro Varese, pasou á historia con nomes como '''Ignis Varese''' ou o '''Mobilgirgi Varese''', apelativos comerciais que lle deron as empresas que o patrocinaban nas décadas de 1960 e 1970. Actualmente está patrocinado pola empresa OpenjobMetis.
