Esfírnidos: Diferenzas entre revisións

A dos '''esfírnidos''' (''Sphyrnidae'') é unha [[familia (bioloxía)|familia]] de [[tiburóns]] da [[orde (bioloxía)|orde]] dos '''carcarriniformes''' (''Carcharhiniformes'') que agrupa 9 [[especie]]s coñecidas vulgarmente como '''peixes martelo''',<ref name=RP>Ríos Panisse (1977), pp. 185-186.</ref> <ref name=RS>Rodríguez Solórzano ''et al.'' (1983), p. 42.</ref> e tamén como '''martelos''',<ref name=RP/> '''cornudas'''<ref name=RP/> <ref name=LV>Lahuerta e Vázquez (2000), p. 183.</ref> e '''tiburóns martelo''',<ref name=LV/><ref name=RV>Rodríguez Villanueva ''et al.'' (1992), pp. 68-69.</ref> <ref name=LV/> debido á súa peculiar característica de teren a [[cabeza]] prolongada cara aos lados, adoptando unha forma de "T", cos [[ollo]]s situados en cada un dos extremos. Esta forma lles proporciona unha mellor [[visión]],<ref>[http://www.world-science.net/othernews/091207_sharks. "Hammer" heads give sharks super vision: study. World Science.]</ref> tanto do campo visual como na [[estereoscopia|visión esteroscópica]],<ref>McComb D. M.; Tricas, C. e Kajiura, S. M. (2009): [http://jeb.biologists.org/cgi/content/abstract/212/24/4010 "Enhanced visual fields in hammerhead sharks". Resume] ''J. Exp. Biol.'', '''212''': 4010-4018.</ref>, así como un [[olfacto]] máis desenvolvido.<ref>Jayne M. Gardiner & Jelle Atema (2010): "The Function of Bilateral Odor Arrival Time Differences in Olfactory Orientation of Sharks", ''Current Biology'', 10 de xuño de 2010.</ref>

Os tiburóns martelo son mariños e costeiros, adentrándose ocasionalmente en augas salobres. Viven en todos os océanos, pero especialmente nos cálidos.

Teñen a cabeza moi expandida lateralmente, cos ollos e os orificios nasais moito máis amplamente separados que nos demais tiburóns. Non teñen [[espiráculo]]s.

O tiburón martelo xigante (''Sphyrna mokarran'') pode sobrepasar os 6 m de lonxitude e pesar case media [[tonelada]].<ref name=fb>[http://fishbase.mnhn.fr/Summary/FamilySummary.php?ID=12 Características de Sphyrnidae] Froese, R. e D. Pauly. (eds.) (2009): FishBase. World Wide Web electronic publication. Versión 10/2009.</ref> A gama das nove especies coñecidas vai de 0,9 a 6 m de longo.

En xeral son de color gris clara, con tonalidades verdosas, no dorso, sendo o ventre abrancazado.

A forma de martelo da cabeza pode que evolucionara, polo menos en parte, para mellorar a visión do animal. O posicionamento dos ollos, situados nos lados do ''martelo'' distintivo, poden dar unha visión binocular, así como un campop visual de 360º no plano vertical, o que significa que estes animais poden ver arriba e debaixo deles en todo momento.

Aliméntanse dunha ampla variedade de [[peixes óseos]], [[elasmobranquios]], [[cefalópodos]], [[crustáceos]] etc. Os xuvenís, que nacen totalmente desenvolvidos, son coñecidos por comeren unha gran variedade de produtos, entre eles [[peixes]], [[lura]]s, [[polbo]]s, [[crustáceos]] e outras especies de tiburóns martelo; as [[raias]] son unhas das súas [[depredación|presas]] favoritas.

Os tiburóns martelo só se reproducen unha vez ao ano e, en xeral, esta función prodúcese cando o macho morde á femia con violencia até que ela acepta aparearse con el. Ao igual que notros tiburóns, a fecundación é interna e o [[esperma]] masculino transfírese á femia a través de un dos dous órganos copuladores do macho.

Son [[ovovivíparo]]s. Os [[embrión]]s ao principio mantéñense a expensas do [[saco vitelino]] e, cando a subministración da xema do ovo se esgota, o empobrecido saco vitelino transfórmase nunha estrutura similar a unha [[placenta]] dos [[mamíferos]] (chamada "saco vitelino placenta" ou "pseudoplacenta"), a través da cal a nai proporciona o alimento ao embrión até o nacemento.

En augas próximas á nosa comunidade tan só aparece citada a especie ''[[Spyrna zygaena]]''.<ref name=RP/> <ref name=RS/><ref name=RV/><ref name=S>Solórzano ''et al.'' (1988), p. 13.</ref> <ref name=RV/>