Cigosidade: Diferenzas entre revisións

* Se se perde a funcionalidade de ambos os alelos, o individuo é '''nulicigoto'''.

A [[secuencia de ADN]] dun xene adoita variar dun individuo a outro. Estas variacións orixinan os alelos. Mentres que hai xenes que teñen un só alelo porque presentan unha baixa variación, outros teñen un só alelo porque só ese alelo funciona axeitadamente. Calquera variación da secuencia do [[ácido desoxirribonucleico|ADN]] dese alelo pode ser fatal para o [[embrión]], e o organismo non sobreviviría ata o nacemento. Pero estes son casos minoritarios, porque a maioría dos xenes teñen dous ou máis alelos. A frecuencia con que aparecen na poboación os diferentes alelos é variable. Algúns xenes teñen dous alelos con igual distribución. Noutros xenes, un dos alelos pode ser moito máis común, e o outro ou outros pode(n) ser moito máis raro(s). Ás veces, un alelo causa unha enfermidade xenética e o outro non. Ás veces, as diferenzas que presentan os alelos non orixinan ningunha diferenza no funcionamento do organismo.

Un individuo diploide é homocigoto para un determinado carácter se o [[xene]] que o determina presenta [[alelo]]s idénticos en cada [[cromosoma homólogo]].<ref name="Henderson's">Lawrence, Eleanor: ''Henderson's Dictionary of Biology, 14e'', 2008</ref> O individuo en cuestión denomínase ''homocigoto'', ''homocigótico'' ou ''puro'' para ese carácter, e o fenómeno chámase ''homocigose''.

Un organismo nulicigoto leva dous alelos mutantes do mesmo xene, que perderon totalmente a súa funcionalidade, polo que é como se non tivese ese xene. Os alelos mutantes son anelos ''nulos'' en canto á súa funcionalidade, e fálase de individuo ''nulocigoto'', ''nulicigose'' ou ''homocigose nula''. <ref name="Henderson's"/>.

A cigosidade pode referirse tamén á(s) orixe(s) dos alelos dun [[xenotipo]]. Cando os dous alelos dun locus se orixinan dun antepasado común por medio dun apareamento non aleatorio (consanguíneo), o xenotipo dise que é ''autocigoto''.

Como os alelos dos xenotipos autocigotos veñen da mesma fonte, son sempre homocigotos, pero os xenotipos alocigotos poden ser tamén homocigotos en moitos casos. Todos os xenotipos heterocigotos son, por definición, alocigotos.

Como vimos a cigosidade pode tratarse no contexto dun locus xenético específico <ref>Pujol, C.; Messer, S.; Pfaller, M.; Soll, D. (2003). "Drug resistance is not directly affected by mating type locus zygosity in Candida albicans". Antimicrobial agents and chemotherapy 47 (4): 1207–1212. DOI:10.1128/AAC.47.4.1207-1212.2003. PMC 152535. PMID 12654648. [http://www.pubmedcentral.nih.gov/articlerender.fcgi?tool=pmcentrez&artid=152535].</ref>). Pero ademais, a cigosidade pode utilizarse para describir a semellanza ou desemellanza xenética dos [[xemelgo]]s. <ref>[http://www.ncbi.nlm.nih.gov/bookshelf/br.fcgi?book=hmg Human Molecular Genetics], 2nd edition by Tom Strachan and Andrew P. Read [http://www.ncbi.nlm.nih.gov/bookshelf/br.fcgi?book=hmg&part=A2178#A2306 Chapter 17]. (1999).</ref> Os xemelgos idénticos dise que son '''monocigóticos''', xa que se orixinaron a partir dun único [[cigoto]], que se dividiu orixinando dous embrións xeneticamente idénticos. Os xemelgos fraternos dise que son '''dicigóticos''' porque se desenvolveron a partir de cigotos distintos fertilizados por [[espermatozoide]]s distintos.

En [[xenética de poboacións]], o concepto de heterocigose ou heterocigosidade utilízase para referirse á poboación no seu conxunto, é dicir, a fracción dos individuos nunha poboación que son heterocigotos para un determinado locus. Pode tamén referirse á fracción de loci nun determinado individuo que son heterocigotos.