Souto da Retorta: Diferenzas entre revisións

O '''Souto da Retorta''' está situado na parroquia luguesa de [[Chavín, Viveiro|Chavín]] ([[Viveiro]]), na marxe dereita do [[río Landro]] e a uns 6  km da capital municipal. Dentro do souto destaca un rodal duns 600 [[eucalipto]]s (''Eucalyptus globulus''), algúns deles centenarios e de gran tamaño, ós que debe o sobrenome polo que tamén é coñecido: o '''eucaliptal de Chavín'''.

O [[25 de febreiro]] de [[2000]] foi incluído entre os [[Espazo natural protexido|Espazos naturais protexidos]] baixo a figura de [[Monumento natural]] <ref>Decreto 77/2000, de 25 de febreiro (DOG nº 72, de 12 de abril de 2000).</ref>.

O espazo ten unha superficie de 3,19 ha e caracterízase polo seu [[clima oceánico]] húmido, cunhas precipitacións anuais medias de 1.412 &nbsp;mm e unha temperatura media de 13&nbsp;°C. Está situado a unha altitude duns 30 metros sobre o nivel do mar.

Ademais dos eucaliptos centenarios, o espazo presenta, ó longo do curso do río, dúas [[fervenza]]s dignas de mención: o Salto do Can e o Pozo da Ferida, este cunha caída en vertical de 30 metros.