Antonia Ferrín: Diferenzas entre revisións

Filla dun mestre de matemáticas, trasladouse coa familia a [[Santiago de Compostela]] en [[1920]]. Estudou o bacharelato no [[IES Rosalía de Castro|Instituto Arcebispo Xelmírez]] e en [[1930]] matriculouse na Facultade de Ciencias da [[Universidade de Santiago de Compostela]]. Licenciouse en Químicas e obtivo ademais o título de [[mestre|mestra]], e xusto ao remate da súa licenciatura comezou a traballar, en [[1934]], como profesora axudante de [[Física]] e [[Matemáticas]] na súa facultade —unha das seis mulleres en facelo naquel momento—, e máis como profesora de Ciencias no instituto de [[bacharelato]] onde estudara. Porén, seguiu estudando e matriculouse en [[Farmacia]] e fixo os dous cursos de ciencias exactas que a Universidade de Santiago ofertaba naquela altura.

Polos seus posicionamentos políticos, en [[1937]] foi sancionada e apartada da docencia na Universidade de Santiago<ref>{{Cita web|url = http://vitimas.nomesevoces.net/gl/ficha/21451/|autor = |título = Nomes e voces. Antonia Ferrín Moreiras, expediente de sanción|dataacceso = 30/10/2014}}</ref>, ao igual que outros 45 profesores, entre os que se atopaban [[Enrique Rajoy Leloup]], [[Fernando Calvet]], [[Isidro Parga Pondal]] ou [[Francisco Fernández del Riego]], aínda que se lle permitiu seguir como profesora no colexio de nenas orfas Nosa Señora dos Remedios de Santiago<ref>{{Cita web|url = http://www-revista.iaa.es/41/antonia-ferr%C3%ADn-moreiras|autor = Ling, Josefina|título = Antonia Ferrín Moreiras, la primera astrónoma gallega|dataacceso = 30/10/2014}}</ref>. En [[1940]] revisouse o seu proceso e puido reincoporarse á docencia universitaria. Fíxoo como profesora axudante de [[Enrique Vidal Abascal]].

Neses anos coñeceu a [[Ramón María Aller]] e interesouse pola [[astronomía]]. Traballou con el no [[Observatorio Astronómico da Universidade de Santiago]] e publicou os seus traballos en distintas revistas de astronomía. En [[1952]] conseguiu unha praza fixa de investigación. Dous anos antes licenciouse por libre de Ciencias Exactas na [[Universidade Complutense de Madrid|Universidade Central de Madrid]]. En [[1953]] conseguiu unha praza por oposición na escola de maxisterio de [[Santander]], e en [[1955]] trasladouse de volta a Santiago.

En [[1957]] converteuse na primeira muller profesora da Facultade de Matemáticas en Santiago, acabada de crear, onde impartiu clases durante seis anos, ata [[1963]]. Nesa época ademais conseguiu rematar a súa tese sobre observación astronómica, titulada ''Observacións de pasos por dúas verticais'' e dirixida por Aller, que presentou na Complutense, e que é a primeira tese sobre matemáticas escrita por un galego. É nese ano cando marchou a [[Madrid]] para converterse en [[catedrático|catedrática]] de Matemáticas na diplomatura de Maxisterio desa cidade. Pero axiña se trasladou á Facultade de Matemáticas da Universidade Complutense, onde deu clase de astronomía durante case unha vintena de anos, ata a súa xubilación en [[1984]].

Unha aula da [[Facultade de Matemáticas de Santiago de Compostela|Facultade de Matemáticas]] da Universidade de Santiago de Compostela leva o seu nome <ref>[https://www.usc.es/gl/centros/matematicas/Aulas_homenaxe.html6 Aulas da Facultade Homenaxe a 6 Profesores] </ref>.

* Rey Alvito, Jesús (1959). [http://www.galiciana.bibliotecadegalicia.xunta.es/es/catalogo_imagenes/grupo.cmd?path=1114281&interno=S&presentacion=pagina&posicion=2&#x20; Falleció en un accidente el profesor Antonio Ferrín]. ''El Pueblo Gallego'', 27 de xaneiro de 1959, p. &nbsp;2. Consultado 30/10/2014