Aman: Diferenzas entre revisións

Ao pouco disto, os Valar alzaron a grande illa de [[Númenor]] en Belegaer, preto das beiras de Aman, e esta converteuse no lar das Tres Casas dos [[Edain]]. De alí en diante estes recibiron o nome de [[Dúnedain]], ou ''Homes do Oeste'', e foron bendicidos con moitos dons por parte dos Valar e dos Elfos de Tol Eressëa. Os Valar temían, con razón, que os númenorianos tentasen un día entrar en Aman para acadar a inmortalidade, e xa que logo prohibíronlles navegar cara ao oeste alén do punto máis afastado vísibel desde o promontorio máis occidental de Númenor. Co tempo, e en parte por obra da corrupción inducida por [[Sauron]], os númenorianos desobedeceron a Prohibición dos Valar e navegaron cara a Aman cun grande exército comandado por [[Ar-Pharazôn]] o Dourado. Isto suporía a [[Akallabêth|Caída de Númenor]]<ref name="O Silmarillion: Akallabêth">O Silmarillion: Akallabêth</ref>.

En vista deste novo acontecemento, [[Eru Ilúvatar|Eru]] (Deus no universo de Tolkien) extraeu Aman das esferas de Arda, que por aquel entón era plana. O mundo quedou así dividido en dous, e a metade que contiña a Terra Media pasou a ser redonda, de xeito que un mariñeiro que navegase cara ao oeste seguindo a ruta de Eärendil acabaría voltando ao seu punto de partida desde o leste<ref> name="O Silmarillion: Akallabêth<"/ref>. No entanto para os Elfos creouse un [[Camiño Recto]] que non seguía a curvatura da Terra e que chegaba até Aman. Á parte dos Elfos, moi poucos atravesaron este camiño, a saber, os [[hobbit]]s [[Frodo Bulseiro]], [[Bilbo Bulseiro]], [[Samsagaz Gamllí]] e seica [[Gimli]] o [[Anano (Terra Media)|Anano]].