Ángel Castro Argiz: Diferenzas entre revisións

En Galicia era un campesiño, o maior de tres irmáns. En [[1895]] principiaron os independentistas cubanos a súa guerra con [[España]] e inda que Ángel quedou libre do [[servizo militar|servizo]] por sorteo, aceptou por cartos substituír un mozo da [[A Coruña|Coruña]], un costume naquela época que permitía que os fillos das familias con máis recursos librar do servizo militar pagando un substituto. Grazas aos cartos recibidos puido pasar a guerra nun economato militar e nos servizos de fornecemento en Cuba. Despois da guerra, foi deportado de Cuba e tras unha estadía en Galicia marchou para [[Madrid]], pero volveu de novo á illa en [[1905]], onde tivo éxito no negocio e fíxose un rico propietario. Conseguiu facer fortuna vendendo [[azucre]]. Era o propietario dun [[latifundio]], Manacas, de 10.500 hectáreas, que tiña na súa maior parte arrendada, pero da que explotaba directamente 770.

 

 

Contra [[1910]] casou cunha mestra de 21 anos na vila de Birán, María Luisa Argote, coa que tivo dous fillos: Pedro Emilio e Lidia. Ao final desa década chegou á súa vila un vehículo con emigrantes españois de ambos os sexos, e Ángel Castro contratounos para traballaren no agro. Cunha desas inmigrantes, Lina Ruz<ref>[Aínda que hai fontes pouco fiables que a sinalan como galega e outras como canaria (http://desdecuba.com/generaciony/?p=487&cp=24#comment-390945), o máis probable parece que fose andaluza. A base de datos do Instituto Nacional de Estatística [http://www.ine.es/fapel/FAPEL.INICIO sinala] que un terzo (33%) dos apelidos Ruz son da [[provincia de Córdoba]], mentres que as porcentaxes das provincias canarias e galegas caen por debaixo do 0.5%</ref>, nada en [[1900]], comezou unha relación sentimental que acabaría por transformarse en matrimonio en [[1928]]<ref>Angel Castro e Lina casaron, segundo outras fontes pola igrexa, pero ben despois do nacemento de Fidel, mediante unha cerimonia arranxada cun cura amigo e tamén galego, Henrique Pérez Serantes. Tad Szulc, ''Castro, 30 ans de pouvoir absolut''</ref>, antes da morte da súa primeira esposa María Luisa. Con esta segunda muller tivo sete fillos, entre eles [[Fidel Castro]] e [[Raúl Castro]].