Dublín: Diferenzas entre revisións

O seu nome en irlandés é Baile Átha Cliath, que significa "poboación do vao de canizo" e que ten a súa orixe nun antigo [[Vao (pasaxe)|vao]] composto con paneis de caña e vimbio entrelazados (''Áth Cliath'') que cruzaba o río Liffey nun lugar próximo á actual [[Estación de Heuston|estación de ferrocarrís de Heuston]]. A voz irlandesa ''cliath'' tradúcese con frecuencia como "valo". Porén, a tradución como "canizo" é máis axeitada: "cliath" ou "hurdle" é, en efecto, unha estrutura lixeira e movible de material vexetal entrelazado que se emprega con frecuencia para separar o gando, mais tamén para asegurar o terreo inestable ou esvaradío.<ref>MacBains, An Etymological Dictionary of the Gaelic Language [http://www.ceantar.org/Dicts/MB2/mb09.html MacBains, An Etymological Dictionary of the Gaelic Language]</ref><ref>MA New Scottish Gaelic / English Bidirectional Dictionary Incorporating Dwelly [http://www.ceantar.org/Dicts/MB2/index.html]</ref><ref>[http://www.iall.org/iall2000/dublin_guide.html Dublin (Baile Átha Cliath): A Brief Guide [http://www.iall.org/iall2000/dublin_guide.html]</ref><ref> Enciclopaedia Britannica 1911: Hurdle [http://www.1911encyclopedia.org/Hurdle Enciclopaedia Britannica 1911: Hurdle]</ref> O nome da cidade foi escrito deste xeito dende [[1368]], data na que foi documentado nos [[Anais do Ulster]].<ref>Clarke (1990) citando a John Ryan e o seu libro ''Pre-Norman Dublin'' de 1949, p. 64.</ref> ''Áth Cliath'' é o nome dun lugar que se refire a un punto de vao do río Liffey nas inmediacións da estación de Heuston, posteriormente aplicouse o nome a un [[mosteiro]] cristián que se cre estivo situado na zona da rúa Aungier, actualmente ocupado pola igrexa carmelita da rúa Whitefriar. Debido á súa lonxitude, o nome irlandés de Dublín adoita abreviarse como BÁC.

As iniciativas gobernamentais para estableceren o ''International Financial Services Centre'' ("Centro de servizos financeiros internacionais") no corazón da cidade tivo éxito dabondo para atraeren moitos dos maiores [[bancos]] de investimento mundiais e Dublín agora se sitúa como un importante centro financeiro. [[Irlanda]] tamén é punteira en [[tecnoloxía da información]] e [[electrónica]], e Dublín converteuse nun importante centro europeo para a produción de [[programas informáticos]]. O progreso económico dos últimos dez anos foi sorprendente, e o "tigre celta" agora ten unha renda per cápita superior á de [[Gran Bretaña]] por primeira vez na historia de [[Irlanda]]. Porén, este proceso de modernización trouxo problemas ademais de beneficios. Prosperou unha cultura da [[droga]] e do [[crime organizado]] paralelamente ó resto da [[economía]], malia a loita levada a cabo polo [[goberno]].

Dublin posúe un clima temperado marítimo, caracterizado por [[inverno]]s suaves e [[verán]]s frescos, sen temperaturas extremas. Con todo, contrariamente á crenza popular, Dublin non ten unha pluviosidade moderada, recibindo a metade das precipitacións que se recollen no Oeste de [[Irlanda]]. A capital irlandesa ten menos días de choiva de media que [[Londres]]. As temperaturas máximas oscilan entre os 7.6&nbsp;°C de media en [[xaneiro]] e os 18.9&nbsp;°C de media en [[xullo]] e as mínimas entre os 2.5&nbsp;°C de media nos meses de [[xaneiro]] e [[febreiro]] e os 11.4&nbsp;°C de media no mes de [[xullo]]. Nos últimos anos superáronse as temperaturas medias históricas, por exemplo os 31&nbsp;°C en [[xullo]] do [[2006]], 12&nbsp;°C máis elevada que a máxima temperatura de media rexistrada historicamente. Os meses máis fríos adoitan ser [[xaneiro]], [[febreiro]] e [[marzo]], se ben o inverno do [[2009]]-[[2010]] foi o máis frío dende [[1963]], rexistrando unha temperatura mínima histórica de -12.4&nbsp;°C no Aeródromo de Casement. Os meses con máis días soleados de media son [[maio]] e [[xuño]].

O mes máis húmido de media é [[decembro]], co, 76 &nbsp;mm de choiva, mentres que o mes máis seco é [[febreiro]], con 50 &nbsp;mm. A precipitación total media anual (e outras formas de precipitación) é 732,7 &nbsp;mm, inferior a [[Sydney]], [[Nova York]] e mesmo [[Dallas]]. Debido a estar situada nunha latitude [[norte]], Dublín ten preto de 19 horas de luz no verán, e nove horas no inverno.Os ventos fortes achegados polas borrascas atlánticas poden afectar á capital irlandesa, mais xeralmente con menor intensidade que noutras partes de Irlanda. Os ventos mais fortes son máis frecuentes durante os meses de inverno, podéndose rexistrar en calquera momento, especialmente entre [[outubro]] e [[febreiro]]. Durante un dos últimos temporais rexistráronse ventos de ata 151 &nbsp;km/h no Aeródromo de Casement o [[24 de decembro]] de [[1997]].

Na cidade de Dublín atópanse as sedes de tódalas federacións deportivas nacionais da [[República de Irlanda]]. No ano [[2010]] foi designada ''Capital Europea do Deporte''.

*[http://www.dublincity.ie/ Páxina oficial]