Río Eume: Diferenzas entre revisións

| lenda mapa = Conca do [[Río_Eume|Eume]] (en azul escuro)

O '''río Eume''' é un río galego. Nace na [[Serra do Xistral]] na parroquia da [[A Balsa, Muras|Balsa]], no concello [[provincia de Lugo|lugués]] de [[Muras]]. O seu percorrido de 80  km transcorre placidamente por terras de Lugo ata que pouco a pouco, pasada a vila [[As Pontes de García Rodríguez|das Pontes de García Rodríguez]], vaise encaixando nun val profundo coñecido como [[canón do Eume]], en parte asolagado polo [[encoro do Eume]]. A medida que se achega á desembocadura vaise abrindo o val ata formar un amplo [[Estuario|esteiro]] que en [[marea]] baixa forma unha [[illa]] coñecida como As Croas, de gran valor [[Marisqueo|marisqueiro]] e [[Fauna|faunístico]]. Finalmente desemboca na [[Ría de Ares]], no [[Golfo Ártabro]], entre os concellos [[provincia da Coruña|coruñeses]] de [[Pontedeume]] e [[Cabanas]] dos que é a súa fronteira natural.

Unha morea de caudais de auga máis ou menos longos e caudalosos, verten as súas augas nel. Salientan na marxe dereita o rego de Montouto, preto da capitalidade do concello de [[Muras]], e, xa na provincia da Coruña, o río Maciñeira, o máis longo de todos os afluentes (11 &nbsp;km) que verte a escasos metros do Parque de Carbóns da [[Central térmica das Pontes]], o río do Pareiro, que desemboca no Encoro do Eume formando un profundo entrante, e o río Sesín, que na súa confluencia co Eume, e xunto con el, rodea o outeiro onde se ergue o [[Mosteiro de San Xoán de Caaveiro]].<br>Na marxe esquerda salientan o rego Felgado, que ten as súas fontes en terras de Xermade, o río Chamoselo, cunha ponte medieval preto da súa desembocadura no centro urbano das Pontes. Vertendo as súas augas no [[Encoro do Eume]] despois de 10 &nbsp;km de percorrido, está o río Frei Bermuz, o máis caudaloso de todos os afluentes e que forma unha fermosa paraxe natural no lugar da Feira do Dez. En pleno canón do Eume verte o río de San Bartolomé tamén de 10 &nbsp;km, cuxo caudal foi aproveitado ata non hai moitas décadas para a produción de [[enerxía hidroeléctrica]] na Central do Parrote. Xa no esteiro, desemboca o [[Río de Covés]].