Día Internacional da Felicidade: Diferenzas entre revisións

A idea de conmemorar este día xorde da proposta do [[Bután|Reino de Bután]], que considera que a '''[[felicidade]]''' é o sentimento máis importante do [[Produto Interior Bruto]]. Segundo a revista económica norteamericana ''BusinessWeek'', Bután é o país máis feliz de [[Asia]] e o oitavo do mundo. Desde [[1970]], Bután recoñece a supremacía da felicidade por riba dos ingresos, e adoptou o concepto de ''Índice de Felicidade Nacional Bruta'' para substituír o tradicional Produto Interior Bruto.

 

Con este Día, as Nacións Unidas consideran que a felicidade e o benestar son obxectivos universais na vida dos seres humanos de todo o mundo, polo que os Estados membros deberían contemplar este principio para deseñar e dirixir as súas políticas públicas. A resolución aprobada engadía a necesidade de que a busca e a promoción do [[desenvolvemento sustentábel|desenvolvemento sostible]], a erradicación da [[pobreza]], a felicidade e o benestar de tódolos pobos sexan criterios a aplicar nas políticas de crecemento económico, cun enfoque máis incluínte, equitativo e equilibrado.