Planetes

Planetes (プラネテス) é un manga escrito e ilustrado por Makoto Yukimura, composto por 4 tomos, do que tamén se realizou unha serie de anime co mesmo título. Dirixida por Goro Taniguchi e producida por Sunrise, consta dun total de 26 episodios. Foi estreada o 4 de outubro do 2003.

Planetes
Formato	Ciencia ficción, Acción, Aventuras
Creado por	Gorō Taniguchi
Intérpretes	Animación
Tema de apertura	"Dive in the Sky", por Mikio Sakai
Tema de peche	"Wonderful Life", por Mikio Sakai (episodios 1-25) "PLANETES", por Hitomi Kuroishi (episodio 26)
País de orixe	Xapón
Lingua(s)	xaponés
Episodios	26
Produción
Produtor(es)	Sunrise
Duración	24 minutos por episodio
Emisión orixinal
Canle de orixe	NHK BS2
Primeiro episodio	4 de outubro do 2003
Derradeiro episodio	17 de abril do 2004
Na rede
http://www.planet-es.net
[ editar datos en Wikidata ]

Argumento

A historia ambiéntase no ano 2075 e trata sobre un grupo de astronautas empregados na estación espacial Tecnora, na sección de refugallos, máis coñecida como “a semi” (xa que é un grupo con recorte de orzamento e só conta coa metade do persoal) cuxo deber é recoller o lixo espacial que interfere nas actividades aeronáuticas da Terra.

Dende o accidente sufrido pola nave de pasaxeiros Alnail-8, no ano 2068, o problema da lixo espacial cobrou gran importancia e protagonismo; satélites artificiais dun só uso, tanques abandonados polas lanzadeiras, residuos derivados da construción de estacións espaciais. Todos estes refugallos orbitan ao redor da Terra a velocidades que roldan o 8 km/s. O impacto dun destes obxectos cunha nave espacial podería provocar un grave accidente, e para evitar que unha nova traxedia se repetise, considerouse necesario para a carreira espacial manter baixo control a súa recollida.

No futuro que expón a serie, o ser humano ha colonizado a Lúa e chegou até Marte no ano 2058, por mor disto existe unha organización terrorista chamada “Fronte de defensa espacial” que se opón a que o ser humano colonice e contamine outros planetas, e atópanse varias veces cos protagonistas ao longo da serie.

Personaxes

• Hachirota Hoshino: co mote de Hachimaki (en xaponés «cinta para o pelo»), xa que el sempre leva unha nas súas misións espaciais, e que lle fai situarse na realidade e axúdalle a concentrarse), é un dos co-protagonistas. Leva no traballo de recolledor de lixo 4 anos, xunto cos seus compañeiros Fee Carmichael e Yuri Mihairokoh, pero el sempre soñou con ter a súa propia nave espacial. Pronto se dará conta de que non todo é posible e que as cousas as consegue quen pode. Xa ben entrada a historia, Hachimaki sentirase moi unido á nave que lle levará a Xúpiter, a Wernher Von Braun, á que chama “a miña nave”. Exprésase fatal nos asuntos sentimentais, pero Tanabe enténdelle perfectamente.

• Ai Tanabe: É unha rapariga que se une á Debris Section (a sección de refugallos). Inicialmente terá unha relación de antipatía con Hachimaki, co que non está de acordo en nada, pero ao final sucederá todo o contrario, cando Hachimaki dáse conta de que cada un ten un gran afecto polo outro. Nun principio é reservada, cautelosa, tímida, pero acabará sendo moi decidido a levar a cabo o que se propón, recorrendo á súa idea de que o amor o arranxa todo, que sen amor ninguén podería existir, e de que ninguén quere vivir nin morrer só. Ao final da historia, ao ser atacada a nave Von Braun por uns terroristas, chamados “Fronte de Defensa do Espazo”, Tanabe sofre unha hipoxia por falta de aire no seu traxe e as súas funcións motrices quedan moi afectadas, pero acabará recuperándose. Xogando a un xogo de palabras con Hachimaki, a este tócalle unha palabra que comeza por “cas-”, á que responde “casemos”.

• Fee Carmichael: é a capitá da DS-12 Toy Box, a nave da semi. Naceu en Richmond, Virginia. É unha muller moi protectora dos integrantes do seu grupo. Na oficina sempre está a fumar nunha cabina. É moi calculadora, intelixente, pero cun defecto, é unha fumadora irremediable, tanto que recorrerá a un accidente, aproveitando que combateu contra unha nave dos terroristas, para volver fumarse un cigarro despois de 4 días de intentos errados de facelo. Nas naves espaciais hai moi pouco sitio para xente fumadora, cousa que lle saca de couzón.

• Yuri Mihairokoh: É un astronauta ruso que encerra tras un muro de pedra o seu pasado e os seus sentimentos. Fíxose recuperador de refugallos unicamente para recuperar o compás da súa muller, falecida no accidente da Alnail-8. Cando por fin o atopa, e coa axuda do irmán novo de Hachimaki e tras 6 anos de procura, reflexiona seriamente sobre a súa dimisión, xa que a súa misión está cumprida. Finalmente quedará no grupo porque pensa que xa non está atado ao seu pasado e pode decidir a súa vida, cegada pola dor da morte da súa esposa. É o encargado do coidado e mantemento dos animais que se sitúan na “seven” (ISPV 7), a estación espacial desde onde comezan as súas misións de recuperadores.

Episodios do anime

1. Na exosfera
2. Como un soño
3. Órbita de retorno
4. Profesionais
5. Lévame á Lúa
6. Ardillas voadoras na Lúa
7. A moza extraterrestre
8. Un lugar onde apoiarse
9. Espiñas cravadas
10. Estrelas residuais
11. Fronteiras
12. Un humilde desexo
13. Paisaxe cun foguete
14. Punto de inflexión
15. Cousas dela
16. Ignición
17. O elixido
18. O último día do departamento de refugallos
19. Os finais sempre son…
20. Dúbidas e máis dúbidas
21. Espello Tandem
22. Revelación
23. Refugallos á deriva
24. Amor
25. Persoa desaparecida
26. E os días que se cruzan…

Ligazóns externas

• Web oficial de Planetes
• Wiki de Planetes en galego