Dadín, O Irixo: Diferenzas entre revisións

A '''igrexa parroquial''' é do século XVIII, e ten nave dun corpo con tribuna. O altar e a sancristía foron construídos en 1833, así como o arco de acceso. A fachada está adornada con pináculos nas esquinas, e ten espadana rematada en frontón.

O retablo maior é historicista (pseudo gótico), tamén de 1833, coas imaxes de [[Pedro, papa|San Pedro]], [[Ramón Nonato|San Ramón Nonato]], [[Antón Abade|Santo Antón]] e [[Bárbara de Nicomedia|Santa Bárbara]], todas elas do século XVIII e restauradas estas tres últimas en 1844. Hai tamén unha imaxe de [[Roque de Montpellier|San Roque]] de 1855. O retablo lateral esquerdo, con columnas salomónicas, é do século XVIII, cunha imaxe de [[Xosé de Nazaret|San Xosé]]. 0O retablo lateral dereito, no mesmo estilo e data, ten unha imaxe da Virxe do século XIX.

Na igrexa hai un [[peto de ánimas]] de talla popular. Entre o mobiliario litúrxico destaca unha cruz procesional de prata do século XVIII e unha custodia da mesma data, varios cálices dos séculos XVIII e XIX e dúas coroas de prata. Preto do templo hai un [[cruceiro]] do século XIX.

En Pena da Sela hai unha ermida do século XVI, na que se celebra unha romaría. Ten capela maior, sancristía a man dereita e nave con tribuna sostida por dúas columnas de pedra. A capela maior, á que se accede por arco de medio punto, está cuberta por artesoado de madeira, a nave á súa vez por madeira a dúas augas. Na fachada hai unha inscrición en unnun fornelo cunha imaxe da Virxe. O retablo maior é neoclasico, de finais do século XVIII, coa imaxe da patronapatroa. Preto da ermida hai un cruceiro do século XX, e nas proximidades hai un peto de ánimas.

No lugar de [[Saavedra, Dadín, O Irixo|Saavedra]] hai unha eira con varios hórreos.