Segunda Idade: Diferenzas entre revisións

Non existen apenas crónicas dos 3441 anos da Segunda Idade, ao contrario do acontecido coa [[Primeira Idade]], amplamente recollida n'''[[O Silmarillion]]'', e a [[Terceira Idade (Tolkien)|Terceira Idade]], período no que se encadra ''[[O Señor dos Aneis]]''. Alén das referencias á Segunda Idade contidas n' ''O Señor dos Aneis'', outros escritos máis breves enchen parte do baleiro entre a caída de Morgoth ao final da Primeira Idade e a primeira derrota de Sauron, que marcou o comezo da Terceira Idade.

"A Historia dos Anos" do Apéndice B d'''[[O Señor dos Aneis]]'' bosquexa os principais acontecementos da Segunda Idade, especialmente aqueles vencellados aos Aneis de Poder e aos sucesos e personaxes d' ''O Señor dos Aneis''. O Apéndice A contén xenealoxías da casa real de Númenor, e varias das seccións de ''[[Unfinished Tales of Númenor and Middle-earth]]'' tratan amplamente de Númenor e algúns dos seus reis. Existen outros escritos acerca desta idade, mais por mor da grande cantidade de relatos dos que só se dan indicios nas fontes existentes, a Segunda Idade segue a ter un carácter difuso.