Mestre Mateu: Diferenzas entre revisións

O '''Mestre Mateo''' ([[circa|c.]] 1150 - c. 1200 ou c. 1217) foi un [[Arquitectura|arquitecto]] e [[escultor]] [[Galicia|galego]], artífice do [[Pórtico da Gloria]] da catedral de [[Santiago de Compostela]]. Dise que está autoesculpido no propio pórtico. Tamén é autor do antigo [[Coro pétreo do Mestre Mateo|coro pétreo]] da mesma catedral. Este coro desfíxose, pero agora estase tentando rematar de reconstruír.

 

Do seu paso por Compostela fai referencia o ''Tombo I'', folio 67 onde se inclúen as rendas que pagaban certas casas coñecidas como as casas que pertenceran ao Mestre Mateo. O autor [[Antonio López Ferreiro]] sitúa estas casas na zona da [[Rúa da Acibechería (Santiago de Compostela)|Acibechería]] preto do [[Mosteiro de San Martiño Pinario]].

[[Ficheiro:Interior_Catedral_Santiago_de_Compostela.jpg||miniatura|[[Pórtico da Gloria]] na [[catedral de Santiago de Compostela]]]]

Entre [[1168]] e [[1211]] o mestre e o seu obradoiro levantaron os tres tramos finais das naves maiores da catedral compostelá, os seis derradeiros tramos das tribunas e crearon todo o frontis occidental do edificio: a cripta, o [[Pórtico da Gloria]], a súa tribuna, a fachada -desaparecida- e as dúas torres que a flanqueaban e que, en boa medida, aínda seguen en pé.

 

 

Para lograr o supremo obxectivo de concluír a basílica apostólica de Occidente, o mestre Mateo gozou de abondosos medios humanos e técnicos derivados da rica tradición artística compostelá, procedente en boa medida dos obradoiros catedralicios, activos dende [[1075]] e de gran creatividade nos inicios do século XII. Algúns dos artífices que deron vida ao Pórtico -posibelmente el tamén- serían fillos, netos, bisnetos ou tataranetos dos canteiros e escultores que traballaron ás ordes dos mestres [[Bernaldino o Vello|Bernaldino o Vello]] e [[Mestre Estevo|Estevo]]. Mateo formouse, sen a menor dúbida, en tan fecunda tradición, aínda que soubo transcendela, achegando ao rico matraz compostelán as innovacións e matices que revelan a súa obra e o seu legado.

A tradición francesa na cultura compostelá foi especialmente fecunda en época de [[Diego Xelmírez|Xelmírez]], influencia que sen dúbida continuaría no ambiente artístico vivido por Mateo na Compostela das décadas de [[1150]]-[[1160]], época na que xerminaría o seu talento e principiaría a súa actividade. A apertura de miras deste artista e a mestizaxe cultural que promove, xunto coa alta calidade dos escultores e canteiros que integran o seu obradoiro, van configurar os sinais de identidade máis característicos do estilo mateán, en concreto da personalidade do Pórtico da Gloria e de toda a arte derivada del. Por outra parte, a variedade estilística da obra mateá é boa proba da vitalidade cultural da cidade de Santiago no século XII, meta da peregrinación occidental.

 

<gallery>

Ficheiro:Apóstoles del Pórtico de la Gloria.jpg|Detalle do Pórtico da Gloria.

</gallery>

 

 

* [[Pórtico da Gloria]].

* [[Coro pétreo do Mestre Mateo]]

 

{{ORDENAR:Mateo, Mestre}}

 

[[Categoría:Escultores de Galicia]]