Centro Galego de Tecnificación Deportiva: Diferenzas entre revisións

O '''Centro Galego de Tecnificación Deportiva''' é un centro de ensino público xestionado pola [[Secretaría Xeral para o Deporte]], dependente da Presidencia da [[Xunta de Galicia]]. Asume as competencias vinculadas ó fomento e promoción da cultura física e o deporte en Galicia. Foi fundado en [[1987]].

 

Está dirixido por [[Elena Fernández Rodríguez]], licenciada en Educación Física e xefa de estudos do [[IES Torrente Ballester]] de Pontevedra. A subdirectora é [[Pilar López Graña]], doutora en Educación Física e profesora de Educación Física no [[IES de Poio]]. Foi adestradora da [[SD Teucro]] na tempada 2005-06.

 

En colaboración coas diferentes federacións deportivas galegas, o centro prepara os programas de tecnificación deportiva, dirixidos fundamentalmente á formación de deportistas de entre 14 e 18 anos.

 

O Centro Galego de Tecnificación Deportiva ten a súa sede en [[Pontevedra]], nos terreos do Estadio da Xuventude e adxacentes. Conta con 7 edificacións.

 

O edificio principal alberga a conserxería, aulas, a aula multimedia, as oficinas e a cafetaría. A residencia ten 48 habitacións dobres e 8 individuais (104 prazas), todas elas con baño. Conta con comedor para 140 persoas, biblioteca e diversas salas. O IES conta con laboratorio e diversas aulas.

 

Polo centro pasaron figuras galegas do deporte como [[David Cal]], [[Javier Gómez Noya]] ou [[Teresa Portela]].

 

 

[[Categoría:Institucións de ensino de Galicia]]