Pato cristado: Diferenzas entre revisións

O '''pato cristado''' (''Aythya fuligula'') é un [[anátidos|anátido]] mergullador de pequeno tamaño.

 

Os machos adultos son negros, cos lados brancos e o peteiro de cor azul, cunha crista de plumas na cabeza que lle dá o nome á especie. Os ollos son amarelos brillantes.

 

[[Ficheiro:Female Tufted Duck 800.jpg|miniatura|esquerda|Femia de pato cristado]]

 

Cría en zonas temperadas e do norte de [[Eurasia]]. Aparece como visitante ocasional nas costas dos [[Estados Unidos de América|Estados Unidos]] e [[Canadá]]. Ocuparon Centroeuropa no século XVIII procedentes do oeste e do norte. A expansión que está a sufrir a súa area de distribución atribúese ao aumento das poboacións de [[mexillón]]s de auga doce e á aparición de superficies acuáticas novas como consecuencia da extracción de áridos. Os máis dos exemplares son migratorios e pasan os invernos nas zonas máis mornas do oeste e sur de [[Europa]] e sur de [[Asia]]. Nalgunhas zonas, coma nas [[illas Británicas]], as costas do [[mar do Norte]], [[Alemaña]], [[Francia]], [[Polonia]] e o [[Benelux]] son sedentarios. No inverno forman grandes bandadas en augas abertas.

 

Vive a carón de lagos e pantanos, pero atópase tamén en ríos, lagoas costeiras, na beira do mar e en estanques urbanos.

 

Cría en áreas con moita vexetación preto de lagos e pantanos. Fai o niño no chan, agachado entre as plantas. A época reprodutora vai de xuño a xullo e crían os polos ata agosto.

 

 

En [[Europa]] crían entre 250.000 e 300.000 parellas. En [[Rusia]] entre 400.000 e 500.000.

 

O '''pato cristado''', que é unha especie de parrulo atractiva, áxil e fácil de coidar, é unha ave decorativa en parques desde hai moito tempo. No século XVII estaba presentes nos xardíns de [[Versalles]] e [[Londres]]. En [[1848]] no zoo londinense criáronse os primeiros polos nados en catividade.

 

 

== Véxase tamén ==

{{Commonscat}}

=== Bibliografía ===

* Hartmut Kolbe; ''Die Entenvögel der Welt'', Ulmer Verlag 1999, ISBN 3-8001-7442-1

 

[[Categoría:Anátidos]]