Copépodos: Diferenzas entre revisións

A maioría dos copépodos son mariños, pero hai moitas especies dulciacuícolas e unhas poucas que viven entre a vexetación húmida e nas películas de auga na terra. Tamén hai moitas especies parasitas de diferentes animais mariños e dulciacuícolas, especialmente de [[peixe]]s.

 

Dentro da enorme variedade morfolóxica lóxica nun grupo zoolóxico tan amplo (hai descritas máis de 10.000 especies), presentan un corpo alongado, extremo caudal bifurcado, cinco pares de patas torácicas e carecen do caparazón duro propio dos crustáceos máis coñecidos.

 

A cabeza está fusionada co primeiro dos seis segmentos torácicos e ás veces tamén co segundo. O primeiro par de apéndices torácicos modificouse en forma de maxilípedos ó servizo da alimentación. Os cinco apéndices torácicos restantes, a excepción do último ou dos últimos pares, son máis ou menos parecidos e birrámeos (divididos en dous), de forma bastante simétrica. Os membros dereito e esquerdo de cada par de apéndices torácicos están unidos entre si por unha placa exoesquelética entre as articulacións coxais. Esta unión permite que as dúas patas batan simultaneamente.

 

 

Aínda que a maioría dos copépodos son pálidos e transparentes, algunhas especies poden ser dunha cor vermella brillante, laranxas, moradas, azuis ou negras. Coñécense moitas especies luminiscentes.

 

Seguindo a clasificación taxonómica do CSIC<ref>[http://www.fauna-iberica.mncn.csic.es/faunaib/arthropoda/index.php Páxina web oficial]</ref>, a clase '''''Copepoda''''' divídese en oito ordes:

* [[Calanoida]]

Outros autores inclúen os branquiúros entre os copépodos, pero o CSIC considera os ''Branchiura'' como clase á parte.

 

 

As variacións con respecto á forma do corpo están relacionadas co hábitat das distintas especies. As formas planctónicas teñen corpos máis ou menos cilíndricos cun abdome estreito. Aquelas que viven en niveis superiores da columna de agua son algo máis miúdas e fusiformes que as que nadan a algúns metros por enriba do fondo. As especies epibentónicas que reptan e nadan xusto por riba do fondo, teñen corpos algo máis anchos. As especies bentónicas que viven sobre as [[alga]]s e herbas mariñas poden ser anchas e planas; as intersticiais son estreitas e con forma de verme.

 

O [[fitoplancto]] constitúe a parte principal da dieta da maioría das especies, pero algunhas dependen tamén en gran maneira das partículas de detritos. Non tódolos copépodos planctónicos son herbívoros de alimentación suspensívora; algúns son omnívoros, e outros estritamente depredadores. Algunhas especies de ''Anomalocera'' y de ''Pareuchaeta'', chegan mesmo a capturar peixes pequenos.

 

 

Nos copépodos de vida libre non hai [[branquia]]s, e excepto nos calanoideos e nalgunhas especies parasitas non hai nin corazón nin vasos sanguíneos; os órganos excretores son glándulas maxilares.

 

Os copépodos macho son polo xeral máis pequenos que as femias, que á vez son moito máis abundantes. Os copépodos están entre os poucos crustáceos pequenos que forman [[espermatóforo]]s, e a parte inferior do [[espermiducto]] está modificada con esta finalidade. O [[xenoporo]] masculino localízase no primeiro segmento abdominal da maioría dos copépodos, do mesmo xeito que os [[gonóporo]]s femininos se abren ós receptáculos seminais. Durante a transferencia dos espermatóforos, o macho suxeita á femia cunha ou as dúas primeiras antenas e, na maioría dos calanoideos, tamén co último par de apéndices torácicos modificados. Os espermatóforos son transferidos cos apéndices torácicos do macho e adhírense ás aberturas do receptáculo seminal por medio dun cemento especial.

 

A maioría dos calanoideos libera os seus ovos individualmente dentro da agua. Porén, os ovos doutros copépodos acostuman a estar pechados nun ovisaco, producido por secrecións do oviducto cando os ovos saen deste, e permanece unido ó segmento xenital feminino, onde funciona a modo de cámara incubadora. Fórmanse un ou dous sacos dependendo do número de [[oviducto]]s. Cada saco contén desde uns poucos a 50 ovos ou máis.

 

{{Listaref}}

 

[[Categoría:Crustáceos]]