Iván IV de Rusia: Diferenzas entre revisións

Neto do [[Iván III de Rusia|Gran Duque Iván Vasílievich III]] o Grande e [[Sofía Paleóloga]] e fillo de [[Basilio III de Moscova]] e [[Elena Glínskaya]], pertence á liñaxe [[varegos|varega]] de [[Rúrik]] e princesa de [[Lituania]]. Foi coroado ''Gran Príncipe de Moscova'' con só tres anos ao morrer o seu pai. Porén, o reino foi administrado pola súa nai, que foi envelenada cinco anos despois da coroación polos clans boiardos que disputaban o poder. Foi sometido a humillacións dos [[boiardo]]s, o que ensombreceu o seu carácter. Foi recluído no palacio do [[Kremlin]] vivindo case coma un mendigo. Isto xerou en Iván un grande odio cara aos boiardos, e tivo como consecuencia as constantes persecucións e matanzas que organizou contra estes clans. Nestes primeiros anos de vida, Iván sufriu desvaríos mentais, irreversibles, o que o levou a liberar a súa ira torturando e lanzando cans desde as torres. É sabido que tivo un irmán xordomudo do que non se coñece máis nada.