* ''[[Env (xene)|envoltura]]'' (env). Codifica as proteínas da envoltura retroviral.
A posesión dunha copia funcional do xene env é o que fai que os retrovirus sexan distintos dos retroelementos.<ref>{{Cita publicación periódica|author=Felix J. Kim|coauthors=Jean-Luc Battini, Nicolas Manel, Marc Sitbon|year=2004|title=Emergence of vertebrate retroviruses and envelope capture|journal=Virology|month=|pages=183–191|pmid=|issue=318|doi=|volume=}}</ref> O xene env realiza tres funcións distintas: permite que o retrovirus entre e saia das células hóspede por medio do tráfico de membranas [[endosoma|endosómicas]] na célula, protección do ambiente extracelular por medio da [[bicapa lipídica]], e a capacidade de entrar nas células. A capacidade do retrovirus de unirse á súa célula hóspede utilizando receptores específicos da superficie celular dálla o compoñente de superficie (SU) do env, e a capacidade do retrovirus de entrar na célula por medio da fusión de membranas débese ao compoñente transmembrana ancorado na membrana (TM). Deste xeito, a proteína env é a que permite que o retrovirus sexa infeccioso.
