Isidoro Millán Mariño: Diferenzas entre revisións

'''Isidoro Millán Mariño''', nado en [[Pontevedra]] en [[1890]] e finado na mesma cidade en [[1983]], foi un avogado, político e xornalista galego, pai de [[Isidoro Millán González-Pardo]].

 

Licenciado en Dereito pola [[USC]]. Membro de «Helenes nº 7», o seu nome simbólico era Urco e só acadou o grao 1º (aprendiz). Colaborou en ''[[La Correspondencia Gallega]]'', que dirixía o seu pai [[José Millán]] e ''[[Faro de Vigo]]''. Participou no [[Pacto de Barrantes]] (1930) e liderou o [[Partido Liberal Demócrata]] en Pontevedra. Foi elixido deputado pola [[provincia de Pontevedra]] polo [[Partido Republicano Liberal Demócrata]] nas [[Eleccións a Cortes de 1933 en Galicia|eleccións xerais de 1933]], e ocupou o cargo de Director Xeral de Xustiza durante o bienio cedista. En 1935 entrevistouse con [[José Calvo Sotelo]] en [[Cuntis]], defendendo a unión das forzas de centro e dereita para opoñerse ás esquerdas. Logo da [[sublevación do 18 de xullo de 1936]] foi deportado durante seis meses a unha vila de [[Provincia de Cáceres|Cáceres]], acusado de ser masón. Despois permaneceu afastado da actividade política, dedicándose á súa profesión.

 

Publicou ''A la sombra del Apóstol (Once siglos de vida compostelana)'' en 1938. Aparece como figurante na pelicula ''[[Miss Ledyia]]'' (1916).

 

 

 

{{ORDENAR:Millan Marinno, Isidoro}}

[[Categoría:Deputados de Galicia]]

[[Categoría:Deputados nas Cortes da II República]]