Francisco Largo Caballero: Diferenzas entre revisións

'''Francisco Largo Caballero''', nado en [[Madrid]] o [[15 de outubro]] de [[1869]] e finado en [[París]] o [[23 de marzo]] de [[1946]], foi un sindicalista e político [[España|español]], histórico dirixente do [[Partido Socialista Obrero Español]] (PSOE) e da [[Unión Xeral de Traballadores]] (UXT). Durante a [[Segunda República Española]] foi Ministro de Traballo ([[1931]]-[[1933]]) e [[Presidente do Goberno de España|Presidente do Goberno]] ([[1936]]–[[1937]]).

 

 

Participou no Comité que organizou a [[Folga xeral de 1917|folga xeral revolucionaria de 1917]] e, tras o fracaso da mesma, foi condenado a cadea perpetua e internado no penal de [[Cartaxena (España)|Cartaxena]]. Mais o seu encarceramento no durou moito xa que foi posto en liberdade ao resultar elixido deputado nas eleccións celebradas no ano seguinte.

 

 

[[Ficheiro:Largo Caballero.jpeg|miniatura|dereita|168px|Monumento a Largo Caballero nos [[Novos Ministerios]], [[Madrid]] ([[José Noja|J. Noja]], [[1985]]).]]

Moderado nos seus plantexamentos, no principio da súa vida política, foi partidario de manter unha certa colaboración da UXT co goberno ditatorial do xeneral [[Miguel Primo de Rivera]], o que permitiu que o sindicato seguira a funcionar na situación imposta polo [[Directorio Militar]]. Isto motivou unha aceda polémica con [[Indalecio Prieto]], contrario a esta colaboración co réxime ditatorial.

 

Co primeiro goberno, provisorio, da II República, presidido por [[Niceto Alcalá-Zamora]], en 1931, ostentaría a carteira do Ministerio de Traballo, continuando no cargo, até 1933, nos dous gobernos seguintes, presididos por [[Manuel Azaña]]. Gozaría de grande popularidade entre as masas obreiras, que se vían reflectidas en el e na súa forma de vida austera.

 

Partidario da alianza entre os diversos sindicatos e partidos obreiros, avogou por un pacto co [[Partido Comunista de España|Partido Comunista]] e co sindicato anarquista [[CNT]], o que provoco o seu enfrontamento con outros líderes socialistas, especialmente con Indalecio Prieto de novo. Este enfrontamento entre os revolucionarios ''caballeristas'' e os moderados ''prietistas'' foi acrecentando, até o punto de que Largo Caballero chegou a ser alcumado popularmente o «Lenin español».

 

Tras o esborrallamento do goberno de [[José Giral|Giral]], o [[4 de setembro]] de [[1936]], xa en plena [[Guerra Civil de España|Guerra Civil]], foi designado xefe do Goberno e ministro da Guerra. A súa maior preocupación, aparte do curso da contenda, foi tentar manter a disciplina no Exército e a autoridade gobernamental dentro da zona republicana a calquera prezo. Porén, o descontento polo curso desfavorábel da guerra e os enfrontamentos desatados en Barcelona, en maio de 1937, que levaron ao enfrontamento entre o [[POUM]] e a [[CNT]], por unha banda, e o goberno da Generalitat catalana e os comunistas, por outra, que comezaron ao tentar tomar a policía o edificio da Telefónica, baixo control da CNT, e a negativa de Largo Caballero a asinar a ilegalización do POUM so presión soviética, foron circunstancias utilizadas, polos socialistas leais a Indalecio Prieto, polos comunistas do [[PCE]] e máis os republicanos de esquerdas, con pleno consentimento de Manuel Azaña, como pretexto para provocar unha crise gobernamental e forzar a súa dimisión, sendo substituído á fronte do goberno polo doutor [[Juan Negrín]], tamén socialista.

 

En [[1939]], logo da derrota republicana, exiliouse en [[Francia]]. Ao se producir en [[1940]] a ocupación de Franxa por parte da [[Alemaña]] [[nazi]] é arrestado polas tropas de ocupación e internado no [[campo de concentración]] de [[Campo de concentración Sachsenhausen|Sachsenhausen-Oranienburg]], onde pasou a maior parte da [[Segunda Guerra Mundial|II Guerra Mundial]]. Liberado ao final desta polo [[Exército Vermello]], faleceu no exilio en [[París]], sendo trasladados os seus restos mortais a [[Madrid]] en [[1978]], celebrándose un funeral na súa memoria ao que acudiron 500.000 persoas, convocadas polas organizacións socialistas (PSOE, UXT e XSE). Nese mesmo ano a UXT creou a [[Fundación Francisco Largo Caballero|Fundación que leva o seu nome]].

 

 

{{ORDENAR:Largo Caballero, Francisco}}

[[Categoría:Políticos de España]]

[[Categoría:Presidentes de España]]