Enrique Peinador Vela: Diferenzas entre revisións

'''Sabino Enrique Peinador Vela''', nado en [[Pontevedra]] o [[7 de outubro]] de [[1847]] e finado en [[Mondariz]] o [[6 de outubro]] [[1917]] foi un médico e empresario galego.

 

En [[1869]] licenciouse en Medicina pola [[Universidade de Santiago de Compostela]], establecéndose en Pontevedra e dedicándose ao estudo dos centros hidrolóxicos da provincia. En [[1871]] foi nomeado director do Balneario de [[Caldelas de Tui]]. En [[1872]] descubriu o manancial da Gándara, en [[Mondariz-Balneario]], e ao ano seguinte comezou a explotalo. Coa axuda de seu irmán, [[Gumersindo Ramón Peinador Vela]], obtivo a fonte de Troncoso, aínda que mantiveron un conflito co concello ata 1905, e comezaron a explotar as augas co nome de "Aguas de Mondariz. Establecimiento minero-medicinal de los Señores Hijos de Peinador". En 1873 as augas foron declaradas de utilidade pública. En 1879 abriu a primeira casa de baños e en [[1898]] inaugurou o Gran Hotel de Mondariz, que se converteu nun centro medicinal, cultural e artístico. Exerceu como xerente do balneario ata 1906, en que o relevou o seu fillo [[Enrique Peinador Lines]].

 

Proxectou un tranvía entre Mondariz e Vigo para unir o balneario coa estación de ferrocarril e con Madrid, pero só funcionou no traxecto Vigo-[[O Porriño]]. Posuía unha imprenta na que se editaron numerosas publicacións. Foi vogal da Cámara de Comercio de Vigo.

 

 

{{ORDENAR:Peinador Vela, Sabino Enrique}}

[[Categoría:Médicos de Galicia]]

[[Categoría:Personalidades da empresa de Galicia]]