Carmen Babiano: Diferenzas entre revisións

'''Carmen Babiano Méndez-Núñez''', nada en [[Santiago de Compostela]] en [[1852]] e finada en [[Pontevedra]] en [[1914]], foi unha pintora galega correspondente ao movemento realista de finais do século XIX.

 

Naceu en Santiago de Compostela o ano 1852. Era filla de José Babiano Rodríguez, coronel do exército, e de María del Carmen Clara Méndez Núñez, irmá do célebre almirante [[Casto Méndez Núñez]]. Sendo moi nena trasladouse a vivir a [[Pontevedra]] cos seus pais, ao domicilio da súa tía Soledad quen residía nun magnífico [[Palacete de las Mendoza|palacete]]. Rodeada dun ambiente cultural e sendo partícipe das múltiples reunións e faladoiros que se celebraban no seu fogar, ás que acudían os persoeiros máis relevantes da época nos ámbitos da política, cultura, etc., Carmen pronto destacou como unha pintora con moita proxección de futuro. O seu talento foi fomentado polos seus pais que lle procuraron clases de pintura co pintor catalán [[Ramón Vives]], que se encontraba destinado no Instituto de Pontevedra.

 

Carmen Babiano finou o 2 de setembro de 1914, deixando un legado artístico que consta de máis de 100 obras pictóricas que hoxe se conservan no [[Museo de Pontevedra]].

 

[[Ficheiro:Pitas.JPG|miniatura|As pitas.]]

En 1875 participou na exposición rexional de Galicia e [[Xogos Florais]] de Pontevedra, onde conseguiu a medalla de bronce cun ''Ecce Homo''. En 1878, na Coruña, presentou un retrato do seu tío, o almirante [[Méndez Núñez]]. En 1880 presentou en Pontevedra o cadro titulado ''As pitas'', onde destaca o realismo que caracteriza a súa obra.

Realizou moitos debuxos, bosquexos anatómicos, paisaxes, bodegóns. Desenvolveu unha temática moi variada na sua obra, manténdose sempre dentro dun realismo case fotográfico.

 

=== Bibliografía ===

 

[[Categoría:Pintores de Galicia]]