Hérulos: Diferenzas entre revisións

O antigo pobo xermano '''hérulo''' foi case con total seguridade expulsado de [[Escandinavia]] ao longo do século III. Segundo algúns historiadores medievais, os seus integrantes aliáronse cos [[godo]]s e participaron con eles en varias expedicións levadas a cabo ao redor das costas dos mares [[Mar negro|Negro]] e [[Mar Exeo|Exeo]] ([[260]]). A principios do [[século VI]], os [[longobardos]] venceron ao pobo hérulo e disolveron o seu reino, situado na conca do río [[Río Elba|Elba]]. Algúns dos seus integrantes emigraron a [[Escandinavia]] e outros enroláronse como mercenarios no exército do [[Imperio Romano de Oriente]]. Un xefe hérulo, [[Odoacro]], depuxo ao último emperador romano de Occidente, [[Rómulo Augústulo]], en [[476]] e foi nomeado rei de Italia polas súas tropas. Gobernou Italia do [[476]] ao [[493]], ata que os [[ostrogodos]] combateron e venceron o seu exército, instalándose na [[península Itálica]].