Xogo do pau: Diferenzas entre revisións

[[Image: malta_do_Ateneu_1.jpg|thumb|200px|right|Exhibición de xogo do pau na rúa]]

En moitas sociedades a [[espada]] desenvolveuse como unha arma á que lle atribuían un carácter sagrado, de xeito que só podían levala e empregala os nobres guerreiros. Ao pobo prohibíaselle ou pexábaselle usar dela, polo que tiña que desenvolver métodos de combate alternativos, ás mans ou con ferramentas e trebellos das angueiras diarias. Quen estea familiarizado coa [[historia do karate|historia]] do xurdimento do [[karate]] (que significa ''ás mans'' en [[xaponés]]) en Oquinava, sabe que se desenvolveu en paralelo o [[kobudo]], que inclúe técnicas de uso de [[fouce]]s, [[pau]]s ou [[mallo]]s. Era este arsenal o que podían usar os labregos ou os mariñeiros para rexeitaren os ataques dos [[samurai]]s, que viñan armados con [[catana]]s e outros artefactos bélicos. Tamén en [[Portugal]] apareceu un sistema de loita tradicional que empregaba os [[caxato]]s que usaban os labregos e os pastores, e que se coñeceu por ''jogo do pau'', se ben aquí o termo se refire non tanto a brincadeira como ao manexo ou á técnica.