Abreviatura: Diferenzas entre revisións

==Métodos para abreviar==

 

 

Como se indica máis arriba, a norma é que as abreviaturas sempre finalicen nun punto, excepción feita dos [[símbolo]]s e os [[acrónimo]]s. Tamén se exceptúan a esta regra aquelas abreviaturas en que o punto se substitúe por unha barra inclinada "/" coma nos casos de ''rúa'' ("r/") ou ''conta corrente'' ("c/c"). Como se observa no anterior exemplo, cando a abreviatura se compón de dúas palabras, o segundo punto e o espazo que separa a ambas palabras tamén se eliminan. Outro caso de excepción á regra do punto é o das abreviaturas que se escriben entre parénteses (por exemplo "(a)" por ''alias''). Por contra, si se debe escribir o punto antes das letras voadas (por exemplo, "Sr.ª" por ''señora'' ou "art.º" por ''artigo''), e isto inclúe o uso do mesmo en abreviaturas con numerais (por exemplo, "3.º" por ''terceiro''). Por outra banda, cando a abreviatura sexa a última palabra da '''oración''', o '''punto''' que sinala o final da mesma substitúe ao correspondente punto da abreviatura (por exemplo en "trouxo martelo, chaves, etc."). No entanto, se a oración terminase con algún outro signo de puntuación (tipicamente o signo de interrogación ou os puntos suspensivos), o uso do punto si se considera necesario.