Mamíferos: Diferenzas entre revisións

| name = Mamíferos<br>''Mammalia''

| fossil_range = [[triásico]] final – [[holoceno|actualidade]]

Outros caracteres son a simplificación esquelética do [[cranio]] e da [[mandíbula]] inferior (un só [[óso]], chamado ''dentario'') con dentes moi especializados, a presenza dun ''padal secundario'', a aparición dos cóndilos occipitais para a articulación do cranio coa [[columna vertebral]], a [[cadea de ósos do oído|cadea de osiños do oído]], que permiten a transmisión do [[son]], un [[olfacto]] moi desenvolvido, a maior complexidade do [[cerebro]], a aparición dun [[músculo diafragma|diafragma muscular]] para separar a [[tórax|cavidade torácica]] da [[abdome|abdominal]], e para rematar, o revestimento de [[pelo]]s que presenta toda a superficie do corpo.

 

 

Os [[pelo]]s orixínanse na epiderme e neles pódese distinguir unha parte saínte ou talo e outra parte oculta na pel ou raíz; esta raíz é máis grosa na súa parte inferior formando o ''bulbo pilífero''. A raíz está protexida por unha especie de vaíña, de orixe epidérmica, que recibe o nome do ''folículo'', e no que desembocan as [[glándula sebácea|glándulas sebáceas]] que lubrican o pelo. No folículo implántanse o ''músculo horripilador'', que é o responsable do levantamento vertical do mesmo. Nos mamíferos de vida acuática e nos que viven en climas tropicais, os pelos adoitan reducirse en número e tamaño e, ás veces, desaparecen no estado adulto.