Cruceiro: Diferenzas entre revisións

Un '''cruceiro''' é un [[Cruz monumental|monumento]] [[Relixión|relixioso]] constituído por unha [[Cruz monumental|cruz de [[pedra]], cunha ou varias imaxes, elevada sobre unha [[Columna (arquitectura)|columna]] asentada sobre unha plataforma e situado, normalmente, en lugares públicos, principalmente encrucilladas, beiras de [[camiño (rede viaria)|camiños]], adros de [[Igrexa (arquitectura)|igrexas]] etc., lugares nos que ás veces existían xa cultos [[paganismo|pagáns]] á [[natureza]] (teoría xa proposta por [[Manuel Murguía|Murguía]] e mantida por case tódolos autores).

O cruceiro é un dos monumentos máis fortemente enraizado na terra e na cultura [[Galicia|galegas]], intimamente vencellado á [[paisaxe]] rural galega. Xorde nos máis inesperados recunchos e constitúese en obxecto de respecto e devoción populares. Hoxe séguense a esculpir e plantar en [[praza]]s, [[xardín]]s e propiedades particulares pero xa cun obxectivo decorativo nada máis. O cruceiro tamén é característico doutras rexións do mundo con fortes raíces católicas, por exemplo [[Irlanda]] en [[Europa]] onde se chaman ''high cross'' as que son de moita influencia [[celta]] e que existen desde o [[século VII]]. Tamén aparecen cruceiros semellantes aos galegos e portugueses en amplas zonas de Francia (especialmente na [[Bretaña]]), [[Alemaña]] e [[Gran Bretaña]] (véxase artigo: [[Cruz monumental]]).