Cingulados

---

Este artigo sobre zooloxía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---

A dos cingulados (Cingulata) é unha orde de mamíferos placentarios propios do continente americano.

A familia dos dasipódidos (Dasypodidae), que comprende os armadillos, é a única que sobrevive hoxe en día.

Características

Os cingulados separáronse pouco do plano ancestral placentario, e son un grupo moi antigo, xa diferenciado no paleoceno.

As especies actuais son nocturnas e escavadoras, e están protexidas por placas óseas na piel, cubertas por escudos córneos; os membos dalgúns xéneros poden enrolarse en forma de bóla.

Os dentes son numerosos, até 25 en cada mandíbula), simples, cilíndricos e uniformes, sen esmalte e con raíces abertas, e de crecemento continuo. Son insectívoros e omnívoros necrófagos.

Taxonomía

Descrición

A orde dos Cingulata foi descrita en 1811 polo zoólogo alemán Johann Karl Wilhelm Illiger.

Etimoloxía

O nome científico Cingulata é o nominativo plural do adxectivo do latín científico cingulatus, -a, -um, derivado do nome do latín clásico cingula, -ae, "cincha", "cinto", aludindo aos cintos de duras escamas que presentan estes animais no dorso e nos flancos.

Clasificación

Na actualidade, esta orde só conta con unha familia, a dos dasipódidos, cos xéneros e especies seguintes:

Orde Cingulata

• Familia Dasypodidae
  • Subfamilia Dasypodinae
    • Xénero Dasypus
  • Subfamilia Euphractinae
    • Xénero Calyptophractus
    • Xénero Chaetophractus
    • Xénero Chlamyphorus
    • Xénero Euphractus
    • Xénero Zaedyus
  • Subfamilia Tolypeutinae
    • Xénero Cabassous
    • Xénero Priodontes

Armadillos xigantes

Durante o plistoceno e períodos anteriores, ademais dos modernos armadillos existiron tamén armadillos xigantes, como os gliptodontes, que se diferenciaron no eoceno superior e que tiñan un cranio e un caparazón formado por moitas pezas pequenas fusionadas e, en ocasións, unha cola en forma de maza. Mostran unha notábel converxencia coas tarturugas e algúns dinosauros (anquilosauros).