Hórreo galego: Diferenzas entre revisións

=== Cámara ===

[[Ficheiro:O millo, ao xeito, Boiro.jpg|200px|miniatura|dereita|Cámara dunha hórrea en Boiro.]]

 

A largura da cámara oscila entre 1,30 e 1,50 metros, co obxecto de que as espigas non estean moi lonxe da parede. A cámara está constituída polas seguintes partes: unhas vigas inferiores chamadas ''grades'' ou ''pontóns'', o solo de táboas sobre elas, unhas columnas, as ''padieiras'' ou linteis, e os ''pinches''; uns elementos de peche ou paredes laterais, de materiais diversos e con numerosas fendas de ventilación; unhas vigas superiores chamadas ''soleiras''; e uns elementos de cobertura que acostuman ser a dúas augas. As paredes permiten a ventilación por todos os costados e a estrutura protéxese da choiva cun tellado de tella a dúas [[auga (arquitectura)|augas]] que se adorna nos dous extremos con cruces e outras formas en pedra.<ref name="jls"/>

A cámara combina a madeira e a pedra en diferente proporción, coa singular particularidade de que o catálogo de partes que a compoñen se mantén, con independencia do material, aínda que adaptando o seu despece e as súas proporcións. Os paramentos de pedra poden cobrar solucións variadísimas e estar feitos de perpiaño entre forras, de cantería, de cachotería en seco, de postes biselados, de celosía de xisto, de perpiaños alternados e, máis recentemente, de ladrillo cerámico oco ou perforado. Os paramentos de madeira poden estar formados por tramas de madeira con balaústres verticais ou, máis escasamente, horizontais. Cada unha destas solucións pode constituír o paramento enteiro ou estar este formado por tramos descontinuos ou de distinta fábrica.<ref name="casa"/>

 

 

=== Elementos ornamentais e simbólicos ===