Pazo de Mariñas: Diferenzas entre revisións

O Pazo de Mariñas é unha casa grande localizada no lugar de Fonsá, na parroquia fradense de Aiazo. Na actualidade o seu uso está destinado a vivenda privada.▼

Ocupa unha finca do lugar de Fonsá (Aiazo, Frades), de aproximadamente 10.000 m2 na que se empraza o pazo, varios alpendres, dous hórreos e unha vivenda complementaria ao mesmo, se ben en séculos anteriores, a familia Mariñas posuía gran parte das terras do val do Tambre en Aiazo. De acordo con escrituras atopadas durante a restauración e remodelación que se levaron a cabo a finais do século pasado, a súa construción remóntase a comezos do século XVI, tratándose así dunha das vivendas máis antigas do municipio de Frades e con toda probabilidade a máis antiga do núcleo de Fonsá. Orixinalmente o pazo constituíase dunha soa nave con muros de cachotería á cal se lle engadiron edificios complementarios até o século XVIII. A día de hoxe integráronse parte deses edificios complementarios na vivenda principal que ocupa o pazo. O nome do mesmo deriva dunha acaudalada liñaxe familiar que recibiu durante séculos o apelido Mariñas, moi coñecidos no entorno e poseedores de varias terras, tal e como testemuña o seu escudo de armas. En orixe, un camiño de carros emprazado sobre a rocha nai, daba acceso á finca do Pazo de Mariñas pola súa parte norte, onde o pazo se integraba na propia rocha, erixíndose sobre o val do Tambre e abríndose cara o sur, quedando completamente protexido do norte. Ese emprazamento estratéxico testemuña a antigüidade do pazo, que de acordo co Catálogo Arqueolóxico do PXOU de Frades<ref>PXOU Frades</ref>, podería relacionarse con asentamentos anteriores no lugar no que se atopaba o Castro de Aiazo.▼