Eugenio Arbones Castellanzuelo: Diferenzas entre revisións

'''Eugenio Arbones Castellanzuelo''', nado en [[Ponteareas]] en [[1884]] e falecido en [[Vigo]] o [[14 de setembro]] de [[1936]], foi un médico e político, asasinado polos sublevados ó comezo da [[Guerra Civil Española|Guerra Civil]].

 

Estudou Medicina na [[Universidade de Santiago de Compostela]], especializouse en [[Alemaña]] e chegou a ser un coñecido [[Xinecoloxía|xinecólogo]]. Viviu en Vigo a maior parte da súa vida. Foi colaborador habitual do semanario ''[[El Tea]]'' e a partir de [[1911]] inclinouse cara ao movemento agrario como propagandista independente e participou na campaña antiforista. Evolucionou dende o agrarismo ao socialismo e foi vicepresidente do [[PSOE]] de Vigo entre 1923 e 1930, e deputado nas [[Eleccións a Cortes Constituíntes de 1931 en Galicia|eleccións xerais de 1931]] pola [[provincia de Pontevedra]] na Conxunción Republicano-Socialista-Agraria. En [[Eleccións a Cortes de 1933 en Galicia|1933]] a candidatura do Partido Socialista por Pontevedra non pactou con ningún outro grupo político, polo que resultou derrotado finalmente. Ás [[Eleccións a Cortes de 1936 en Galicia|eleccións de febreiro de 1936]] non se presentou. Ó producirse o [[alzamento Nacional|alzamento nacional]] que deu lugar á Guerra Civil, foi detido e asasinado.

 

 

 

 

{{ORDENAR:Arbones Castellanzuelo, Eugenio}}

[[Categoría:Asasinados polo bando nacional en Galicia]]

[[Categoría:Deputados de Galicia]]