Federación Anarquista Ibérica: Diferenzas entre revisións

A '''Federación Anarquista Ibérica''' ('''FAI''') é unha organización fundada en 1927 en [[Saler]], [[Valencia]], como continuación de dúas organizacións anarquistas, a portuguesa Unión Anarquista Portuguesa no exilio e a española Federación Nacional de Grupos Anarquistas de España. Na actualidade a organización forma parte da [[Internacional de Federacións Anarquistas]]. Desde a súa fundación ata a chegada da ditadura franquista desempeñou un papel importante no movemento obreiro español, sobre todo a través da presenza de elementos faístas na [[CNT]] coa intención que o sindicato non se afastase dos postulados ácratas. Así, nos anos 1930 o sector faísta da CNT opúxose ao chamado trintismo, unha facción máis moderada que apostaba por unha fase de preparación para conseguir a revolución social.