Arte da Roma antiga: Diferenzas entre revisións

A '''arte da Roma Antiga''' ou '''arte romana''' foi unha das manifestacións máis importantes da cultura de [[Imperio Romano|Roma]], e é unha das máis ricas fontes de estudo para a comprensión do [[Roma Antiga|mundo romano]] como un todo. Os romanos derivaron a súa arte orixinalmente dos [[pobos itálicos]] que habitaban na súa contorna. Entre eles destacáronse os [[etruscos]], que no período da monarquía dominaron os romanos política e culturalmente. No entanto, a cultura etrusca baseárase moiro na [[Arte da Grecia Antiga|grega]], transmitíndose aos romanos esta influencia precoz. Axiña, no seu proceso de expansión territorial, os romanos entrarían en contato directo con [[Magna Grecia|colonias gregas no sur de Italia]], e despois coa Grecia mesma, iniciando un longo período de absorción intensa das súas referencias culturais, que se tornaron no fundamento de toda a cultura romana, expresándose nunha variedade de eidos artísticos, como a literatura, a pintura, a [[Escultura da Roma Antiga|escultura]], a música, as artes decorativas e a arquitectura.