Abadín, Abadín: Diferenzas entre revisións

Na aldea da [[A Torre, Abadín, Abadín|Torre]] atópase a [[Igrexa de Santa María de Abadín|igrexa parroquial de Santa María de Abadín]], situada nun alto que domina unha extensa zona de labradío, coa paisaxe montañosa ao fondo. É de estilo [[románico]] da primeira metade do [[século XII]], coa capela maior do [[século XVI]] de estilo [[gótico isabelino]], e cunha [[sancristía]] adosadaacaroada detrás de época posterior. A nave ten unha planta rectangular, cos muros de cadeirado de [[granito]] e cuberta de [[lousa]] a dúas e catro augas. A fachada ten un [[arco de medio punto]] con grandes [[doela]]s, un pequeno [[rosetón]] céntrico con [[trazaría]]s, e espadana dun só corpo e dous vans. Aparece coroada por dous escudos nos laterais da fachada, nos que se distinguen as estrelas e a media lúa da [[Casa de Luaces|casa dos Luaces]], que estivo vinculada a esta parroquia dende o ano [[1574]]. No interior destaca a capela maior con arco triunfal de medio punto sobre columnas cuxos [[capitel|capiteis]] teñen os escudos dos Luaces, igual que a clave da [[bóveda]] nervada; dúas laudas sepulcrais no pavimento pétreo; [[retablo]] maior de estilo renacentista popular e retablos laterais de traza popular e máis moderna.