Xerardo Álvarez Limeses: Diferenzas entre revisións

Fillo de [[Emilio Álvarez Giménez]], cursou o Bacharelato en Pontevedra e participou canda a [[Víctor Said Armesto]] na fundación do ateneo "Los Amigos del Progreso", no que comezou a súa faceta de escritor. Fixo a carreira de Dereito na [[Universidade de Santiago de Compostela]] e a de Maxisterio en [[Madrid]], dedicándose despois a Inspector de Ensino Primario. Foi secretario das Xuntas de Instrución Pública de Palencia e Ourense, e en 1904 comezou a traballar como inspector de Primeira Ensinanza de Cádiz. Foi Profesor de Dereito e Lexislación Escolar en Lugo, académico correspondente da [[Real Academia Galega]], pertenceu á Sección de Historia do [[Seminario de Estudos Galegos]] (onde presentou un estudo sobre o [[padre Sarmiento]]) e cofundador e Vicedirector do [[Museo de Pontevedra]]. Foi redactor das revistas ''[[El Iris Literario]]'' e ''[[Extracto de Literatura]]'' e despois fundou ''[[Galicia Moderna (Pontevedra)|Galicia Moderna]]''. Dirixiu ''El Perdigón'' en [[Palencia]] e ''[[El Maestro Gallego]]'', ''[[Galicia Ilustrada (Ourense)|Galicia Ilustrada]]'' (da que só apareceu o número 0) e ''[[Mi Tierra (Ourense)|Mi Tierra]]'' en [[Ourense]]. Colaborou con ''[[El Diario de Pontevedra]]'' e ''[[La Correspondencia Gallega]]''. É autor do volume da ''Geografía de Galicia ([[provincia de Pontevedra]])''.