Juan María Bandrés: Diferenzas entre revisións

'''Juan María Bandrés Molet''', nado en [[Donostia]] o [[12 de febreiro]] de [[1932]] e falecido [[28 de outubro]] de [[2011]] na mesma cidade<ref>[http://www.elmundo.es/elmundo/2011/10/28/paisvasco/1319786278.html Fallece Juan Mari Bandrés después de una prolongada enfermedad] ''[[El Mundo]]'', 28/10/2011</ref>, foi un avogado e político [[País Vasco|vasco]].

 

=== Infancia e formación ===

Durante a [[Guerra civil española|Guerra Civil]] el e a súa familia teñen que desprazarse por varias cidades do norte de España, e non volta a Donostia ata rematado o conflito. Na cidade [[Guipúscoa|guipuscoana]] estuda no colexio do Sagrado Corazón. Comeza [[dereito]] por libre na [[Universidade de Oviedo]] e licénciase, xa por oficial na [[Universidade de Santiago de Compostela]] en [[1952]]. Logo de rematar os seus estudos realiza o [[servizo militar]] no Hospital Militar de [[Tetuán]].

 

En [[1958]] instálase de novo en [[Donostia]] e comeza a traballar como avogado. Na década de [[1960]] comeza a defender perante o [[Tribunal de Orde Pública]] a diversos procesados, moitos deles militantes de [[Euskadi Ta Askatasuna]] (ETA), acusados de propagada ilegal e de actos non violentos. Pola súa defensa destes militantes, logo do primeiro asasinato de ETA (o do policía [[Melitón Manzanas]] en [[1968]] e do [[estado de excepción]] decretado posteriormente, o goberno de [[Francisco Franco]] destérrao a [[Purchena]] ([[provincia de Almería|Almería]]), durante tres meses. Nesa época ([[1963]]) comeza a traballar como analista político na revista ''[[Cuadernos para el Diálogo]]'', de orientación antifranquista.

 

Logo da deportación, continúa traballando como avogado de presos antifranquistas. En [[1970]] encárgase da defensa de [[Jokin Gorostidi]] e [[Itziar Aizpurua]], dous militantes de ETA naquel momento, que despois participarían en política en diversas formacións da esquerda [[abertzale]]. Foi no marco do [[proceso de Burgos]], un macroxuízo contra membros de ET, onde algúns, como Gorostidi, acabaron condenados a [[pena de morte|penas de morte]], conmutadas por penas de cárcere e, posteriormente, [[amnistía|amnistiados]] ao chegar da [[democracia]].

 

Membro fundador de [[Euskadiko Ezkerra]], nas [[eleccións Xerais 1977 en España|primeiras eleccións democráticas]] sae escollido [[Senado de España|senador]] por [[Guipúscoa]], e integrouse no grupo parlamentario Senadores Vascos. Nas votacións na cámara sobre a [[Constitución española de 1978|Constitución]], posiciónase en contra ao non considerar que cumprise as expectativas nacionais do [[País Vasco]].

 

En [[1991]] saíu elixido presidente de [[Euskadiko Ezkerra]] e iniciou un achegamento ao [[PSE]]. Se ben a formación chegou a integrar un acordo de goberno no País Vasco con [[PNV]] e [[Eusko Alkartasuna|EA]], as disensións entre a ala de Bandrés e a máis nacionalista, que buscaba un achegamento con EA, levaron á súa disolución como partido. Bandrés integrouse no PSE, pero en [[1994]] abandona a formación local do [[PSOE]] e deixa a política.

 

En [[1995]] foi escollido presidente da [[Comisión Española de Axuda ao Refuxiado]] (CEAR). Dous anos máis tarde ([[1997]]) sofre un [[derrame cerebal]] que o deixará incapacitado para o resto da súa vida.

 

{{listaref}}

 

 

{{ORDENAR:Bandres Molet, Juan Maria}}

[[Categoría:Personalidades da política do País Vasco]]

[[Categoría:Europarlamentarios do País Vasco]]