Programa Gemini: Diferenzas entre revisións

O programa Gemini orixinouse sobre a base do proxecto Mercury, seleccionándose unha cápsula que permitira acomodar a unha tripulación de dous [[astronauta]]s en lugar do único tripulante das cápsulas Mercury. Dotouse á cápsula de capacidade para manobrar en [[órbita]] e se propuxeron varias naves como obxectivo para as prácticas de cita e atraque orbitais. Os controis dispuxéronse de maneira similar ós das aeronaves de combate e en lugar de [[torre de escape]] os astronautas dispoñían de [[Asento exectable|asentos exectables]] para saír disparados en caso de problemas co [[Foguete espacial|foguete lanzador]]. A cápsula contaba ademais con navegación inercial e [[radar]]. Tódalas cápsulas Gemini foron lanzadas mediante foguetes [[Titan II GLV]] (Titan II Gemini Launch Vehicle), unha versión modificada dos Titan II.<ref name=astronautix/>

 

[[Imaxe:Gemini 7 in orbit - GPN-2006-000035.jpg|miniatura|A Gemini 7 vista desde a Gemini 6 durante o exercicio de cita espacial, o 15 de decembro de 1965.]]

Ao principio do programa chegouse a propoñer o uso das cápsulas Gemini para realizar voos tripulados circumlunares, arredor da Lúa, a unha fracción do custo que tería facelo con cápsulas Apollo, e incluso, cun módulo adecuado ou co redeseño da cápsula, chegar a aterrar na Lúa. A idea descartouse en parte debido ó pouco marxe da cápsula para crecer e ós problemas de comodidade dos astronautas.<ref name=astronautix/>

A cápsula Gemini tiña forma de cono truncado e estaba formada por dúas partes: un módulo de reentrada, tripulado, e un módulo adaptador, formando a base da nave. O módulo adaptador tiña unha altura de 228,6 cm e un [[diámetro]] de 304,8 cm na base e de 228,6 cm na parte superior, onde se acoplaba co módulo de reentrada, que tiña ese mesmo diámetro na base e de 98,2 cm na parte superior, de onde arrancaba un [[cilindro]] curto que se estreitaba ata os 74,6 cm na punta. A altura do módulo de reentrada era de 345,0 cm, dando unha altura total para a cápsula de 573,6 cm. A estrutura do adaptador era de [[magnesio]] e dunha [[aliaxe]] de [[aluminio]]. O adaptador, á súa vez, estaba formado por dúas partes: unha sección de equipamento na base e unha sección de retrofoguetes na parte superior. A sección de equipamento contiña o propelente e os sistemas de propulsión e estaba illada da sección de retrofoguetes mediante un panel protector de [[fibra de vidro]]. A sección de retrofoguetes contiña os foguetes para inicia a [[reentrada atmosférica]] da cápsula.<ref name=gunter>{{Cita web|url= http://space.skyrocket.de/doc_sdat/gemini.htm|título= Gemini 2, 3, 4, 5, 6, 7, 8, 9, 10, 11, 12|dataacceso=11 de febreiro de 2013|autor= Gunter Dirk Krebs|apelidos= |nome= |ligazónautor= |coautores= |data= |ano= 2011|mes= |formato= |obra= |editor= Gunter's Space Page|páxinas= |lingua= inglés|doi= |urlarquivo= |dataarquivo= }}</ref>

[[Imaxe:Gemini 8 during rescue.jpg|miniatura|Recuperación da cápsula Gemini 8, coa tripulación a bordo.]]

 

=== Control, propulsión e enerxía ===