Señorío de Villena: Diferenzas entre revisións

O feito é que, polo menos desde [[1262]], don Manuel é señor de pleno dereito de [[Elx]], [[Crevillent]], [[Aspe]] e de todo o val de [[Elda]]; e [[Adiantado]] do [[Reino de Murcia]], ademais. Nese mesmo ano, na delimitación do bispado de Cartaxena, menciónase ''«Petrel e Sax e Villena e la tierra de don Manuel nuestro hermano como parte con la tierra del rey de Aragón, e Val de Ayora fasta Confruentes»''. A falta de documentación impide precisar as condicións nas que se produciu a entrega a don Manuel dos seus primeiros señoríos murcianos. Non é improbable, que como suxiren algúns historiadores, a mercede tivera un carácter de ''apanaxe'', daquelas en voga nas cortes europeas; é dicir, confiarlle un dominio a un dos membros da familia real, con excepcionais facultades, que non obstante tería de reintegrase na coroa se faltara herdeiro varón.<ref>J.L. Pastor Zapata. ''Un ejemplo de apanage hispánico: el señorío de Villena (1250-1445), Rev. de I.E. Alicantinos, nº31, páx. 15-40.</ref> Desde logo, a doazón non comportaría nin moito menos a soberanía, pero talvez si unha ampla xurisdición, da que Manuel abusaría sen dúbida, rodeándose dun cerimonial semellante ao dos reis, exercendo un poder omnímodo no cobro de tributos, repartindo herdades entre os seus vasalos, etc. <ref name="pretellyllopis"/>