Acurtamento: Diferenzas entre revisións

Denomínase en xeral ''clipping'' ou acurtamento ao procedemento de creación de novas [[palabra]]s ou [[neoloxismo]]s que consiste en abreviar palabras mediante diversos [[metaplasmo]]s de supresión, como a [[aférese (lingüística)|aférese]] (perda dos [[fonema]]s situados ao comezo dunha palabra), a [[síncope (lingüística)|síncope]] (perda dos fonemas interiores dunha palabra) ou [[apócope]] (perda dos fonemas finais dunha palabra). Tal procedemento é especialmente frecuente en linguas que posúen moitos monosílabos, coma o inglés; por exemplo, abréviase ''San Francisco'' en ''Frisco'' ou ''motor(way) hotel'' en ''motel'', ou ''automóbil omnibus'' en ''autobús''. Este procedemento de acurtamento denomínase síntese ou [[síncope (lingüística)|síncope]]. A apócope, pola contra, é frecuente na [[hipocorístico|linguaxe hipocorística]] ou infantil, ou simplemente afectiva: ''bici'' por ''bicicleta'', ''boli'' por ''bolígrafo'', ''insti'' por ''instituto'', etc... Nalgúns casos, parece máis ben deberse á necesidade de abreviar expresións demasiado cultas e longas: ''cine'' por ''cinematógrafo'', ou ''fotolito'' por ''fotolitografía'' (o cal explica a súa tónica discordante doutras palabras [[esdrúxula]]s que rematan en ''-lito'' átono: ''crisólito, aerólito, monólito'').