Testosterona: Diferenzas entre revisións

A testosterona é un [[andróxeno]] [[esteroide]] derivado do [[ciclopentanoperhidrofenantreno]], que ten 19 átomos de [[carbono]], un [[dobre enlace]] entre C4 e C5, un [[átomo]] de [[osíxeno molecular|osíxeno]] (=O) en C3 e un grupo [[hidroxilo]] (OH) en C12. A súa fórmula é C₁₉H₂₈O₂. Esta estrutura é necesaria para o mantemento da actividade androxénica. A testosterona pode ser [[aromaticidade|aromatizada]] en varios tecidos para formar [[estradiol]], de tal maneira que no home é normal unha produción diaria de 50 microgramos. O papel do estradiol no home aínda non está aclarado, pero o seu exceso absoluto ou relativo pode provocar feminización. A testosterona do [[testículo]] prodúcena as [[célula de Leydig|células de Leydig]], pero tamén se sintetiza noutros tecidos a partir dos andróxenos circulantes ([[DHEA]],DHEA-S), que proveñen do [[córtex suprarrenal]] (zona reticular).