Lípido: Diferenzas entre revisións

Os '''lípidos''' son un amplo grupo de compostos químicos orgánicos naturais, que son uns dos principais compoñentes dos seres vivos, formados principalmente por [[carbono]], [[hidróxeno]] e [[Osíxeno (elemento)|osíxeno]], aínda que tamén poden conter [[fósforo (elemento)|fósforo]], [[nitróxeno]] e [[xofre]], entre os que se inclúen as [[graxa]]s, [[cera]]s, [[esterol|esterois]], [[vitamina]]s liposolubles (como as vitaminas A, D, E, e K), [[fosfolípido]]s e outros. Algúns lípidos son moléculas liñais ou curvadas e outros son [[composto cíclico|compostos cíclicos]]. Poden definirse a grandes trazos como moléculas relativamente pequenas [[hidrófobo|hidrófobas]] ou [[anfipático|anfipáticas]]. As hidrófobas poden disolverse en solventes apolares. As anfipáticas teñen unha parte polar e outra non polar, e poden formar en disolución en medio acuoso estruturas como [[vesícula]]s, [[liposoma]]s, ou [[bicapa lipídica|membranas]].