Ten unha ampla formaciónFormouse como intérprete, directora e pedagoga. É licenciada pola [[Real Escuela Superior de Arte Dramático y Danza]] ([[RESAD]]) ([[1983]]), postgrao en estudos teatrais pola [[Universidade da Coruña]] ([[2002]]). Posúe o Diploma de Estudos Avanzados (DEA) en Expresión corporal, Teatro y Sociedad pola Universidade da Coruña ([[2006]]) e mais o de Dirección de Actores pola Universidade de [[San Antonio de Los Baños]] ([[Cuba]]) ([[2007]]).
Nos inicios da súa carreira como intérprete adicouse intensamente ao teatro traballando co [[Teatro de Cámara de Madrid]], o [[Teatro Yeses]] (Teatro de la Cárcel de[[ Elena Cánovas]]) e o Centro Dramático Galego, baixo a dirección de [[Ángel Gutierrez]], [[Rafael Magano]], [[Mariano Banyoles]], [[Elena Cánovas]], [[Xosé Martíns]], [[Eduardo Alonso]] ou [[Manuel Areoso]], entre outros. Esta dedicación decrece paseniñamente a medida que aumenta a súa actividade cinematográfica, televisiva e docente.
Traballou como intérprete en diversas series de televisión e películas, acadando unha gran popularidade co personaxe de '''Maribel''' no ''[[Show dos Tonechos]]''. Destacou como directora de casting e primeira directora da serie ''[[Libro de Familia]]'', que conserva o record de permanencia na [[Televisión de Galicia|TVG]]. Dirixiu, tamén para a [[TVG]], a ''gale-com'' da súa creación ''[[Escoba!]]''.
