O mar, sempre causou fascinación no ser [[humano]] dende o comezo dos tempos; sempre o forneceu de alimento. A costa sur central do [[Perú]] na [[provincia de Pisco]], no [[distrito de Paracas]] cara ao 10. 000 a.C., grazas ó alimento existente nas súas praias, acubillou os primeiros homes que se volveron [[Sedentarismo|sedentarios]]. Primeiro foi a recolección de [[marisco]]s e [[molusco]]s, logo a [[pesca]] e finalmente o home se aventurou a penetrar nese mar que xenerosamente o fornecía de alimento. A [[tecnoloxía]] foi progresando e o home construíu plataformas para aboiar na [[auga]]; probablemente usou troncos de árbores ou outros materiais abundantes na súa contorna que tiñan [[flotabilidade]]. Para [[Impulsión|impulsarse]] e non quedar á deriva, botou man do [[remo (obxecto)|remo]] ata que descubriu que a forza eólica podía impulsalo con menor esforzo e maior efectividade; logo, achou o xeito de levar a embarcación cara a onde quería e inventou o temón. É a partir de entón cando o home, introducindo melloras na impulsión e goberno, abriu decididamente o proceso que o levaría a construír as modernas naves que sucan hoxe día os [[océano]]s do mundo.
