César Vaamonde Lores: Diferenzas entre revisións

'''César Vaamonde Lores''', nado en [[Ouces, Bergondo|Ouces]] ([[Bergondo]]) en [[1867]] e finado na [[A Coruña|Coruña]] o [[1 de xuño]] de [[1942]], foi un historiador galego.

 

Tiña dúas irmás, Luísa e Emilia, e un irmán, [[Florencio Vaamonde Lores|Florencio]], autor de varias obras en [[prosa]] e, principalmente, en [[verso]]; amais de traducir ao [[Lingua galega|galego]] as ''Odas'' de [[Anacreonte]].

 

César Vaamonde era [[mariña mercante|mariño mercante]] de formación, mais a súa paixón foi a [[historia]], sendo inmensa a súa obra neste eido. O seu traballo levoulle a ser nomeado o 2 de xullo de [[1907]] arquiveiro-bibliotecario da [[Real Academia Galega]]<ref>[http://www.realacademiagalega.org/academy/FindNonNumeraryAcademic.do?academicIdentifier=20946&card=DES_CARD&initial=V&letter=21&startIndex=1&count=100 Ficha de César Vaamonde Lores na web da RAG]</ref>, sucedendo á primeira persoa que ocupou ese cargo, [[Galo Salinas]], e en [[1933]], terceiro cronista oficial da Coruña, sucedendo a [[Eugenio Carré Aldao]]. Así mesmo era membro da [[Real Academia da Historia de España|Real Academia da Historia]], da [[Real Sociedade Xeográfica de España|Real Sociedade Xeográfica]], do [[Museo do Pobo Español]], do [[Centro de Estudos Históricos]], do Instituto do Minho e da [[Associação dos Arqueólogos Portugueses]] de [[Lisboa]], e socio fundador da sociedade [[Folklore Gallego|Folk-lore Gallego]].

 

A maior parte da produción escrita de '''César Vaamonde Lores''' publicouse no [[Boletín da Real Academia Galega]] (BRAG). Dada a magnitude da súa obra, enuméranse algúns dos seus escritos máis sobranceiros.

 

* As minas de Lipes e os [[Compañía de Xesús|xesuítas]] da residencia da Coruña, tomo III do BRAG.

* Apuntes biográficos de Don José López del Pan, primeiro Deputado a Cortes pola cidade da Coruña, tomo IV do BRAG.

* Novas acerca da construción do convento novo de [[Convento de San Domingos da Coruña|San Domingos da Coruña]], tomo XI do BRAG.

* O capitán Colmelo, tomo III do BRAG.

* As portas do mar da cidade da Coruña, tomo VI do BRAG.

 

* Índice de documentos que pertenceron ao [[mosteiro de Melón]], tomo I do BRAG.

* As rendas do [[Mosteiro de San Martiño Pinario|mosteiro de San Martiño de Santiago]], tomo II do BRAG.

* Fundación da fábrica de moeda de [[Xuvia, Narón, Narón|Xuvia]] e nova das súas cuñazóns, precedida dun breve reconto doutras cecas de Galicia, tomo XXII do BRAG. (inacabado).

 

Co pseudónimo de Martín de Sésamo publicou unha serie de artigos históricos en ''[[La Voz de Galicia]]'' entre xaneiro e setembro de [[1940]].

 

{{End box}}

 

 

* [http://anuariobrigantino.betanzos.net/Ab2008PDF/2008%20191-298.pdf Apuntamentos biográficos de César Vaamonde Lores] no artigo ''Efemérides de la ciudad de Betanzos'' no Anuario Brigantino do 2008.