Pan con xamón: Diferenzas entre revisións

'''''Pan con xamón''''' é unha novela de [[Charles Bukowski]], publicada en [[1982]] co título orixinal en [[lingua inglesa]] de '''''Ham on Rye'''''. Escrita en [[primeira persoa]], describe con certa carga autobiográfica a infancia e mocidade do [[alter ego]] de Bukowski, [[Henry Chinaski]]. Escrita na prosa honesta e sincera de Bukowski, a novela narra a súa adolescencia nos [[Os Ánxeles|Ánxeles]] durante a [[Gran Depresión]].

 

Coma as súas obras previas, ''Ham on Rye'' está ambientada nos Ánxeles, onde o autor creceu. Bukowski mantén as descricións realistas da súa cidade, facendo fincapé na xente que conforma Os Ánxeles máis que na cidade en si. Este tipo de descrición non venera ou idealiza a cidade, en contraste con outras obras coñecidas como "Novelas dos Ánxeles"<ref>Fontana, Ernest: "Bukowski's ''Ham on Rye'' and the Los Angeles Novel". ''The Review of Contemporary Fiction'',1985. 5 (3):4-8 {{en}}</ref>. As escenas fóra dos Ánxeles mostran a Chinaski coma un intruso, coma ao comezo da novela, cando vai coa súa familia a unha plantación de laranxeiros<ref> Fontana, Ernest: "Bukowski's ''Ham on Rye'' and the Los Angeles Novel". ''The Review of Contemporary Fiction'', 1985. 5 (3): 5 {{en}}.</ref>.

 

 

Chinaski foi comparado co monstro de ''[[Frankenstein (novela)|Frankenstein]]'' e co personaxe de [[Franz Kafka|Kafka]] [[Gregor Samsa]] por causa da marxinación que lle produce a súa "monstruosa" aparencia<ref> Fontana, Ernest: "Bukowski's ''Ham on Rye'' and the Los Angeles Novel". ''The Review of Contemporary Fiction'', 1985. 5 (3): 6 {{en}}.</ref>. Adoita responder con violencia nos enfrontamentos con aqueles que o marxina, dando unha imaxe de "tipo duro".

 

Ao igual que Henry Chinaski, ''alter ego'' do escritor, o resto dos personaxes das novelas de Bukowski están configurados en base aos modelos de familiares e e amigos do propio autor.<ref>No limiar de ''Women'', a cargo de Niall Griffiths. Virgin Books. UK. </ref>.

 

O título, ''Ham on Rye'', significa literalmente "[[xamón]] sobre [[centeo]]". Isto é un tipo de bocadillo, referíndose a dúas cousas que combinan ben. Segundo certos autores, pode ser unha referencia ao libro de [[J. D. Salinger]] ''[[O vixía no centeo]]'' ([[1951]]), no que se dá outra visión da vida norteamericana trala crise{{cómpre referencia}}.

 

A versión galega foi traducida por [[Eva Almazán]] e publicada por [[Factoría K]] en [[2009]]. O libro foi traducido entre outros idiomas, ao [[lingua italiana|italiano]] (''Panino al prosciutto''), [[lingua castelá|castelán]] (''La senda del perdedor''), [[lingua checa|checo]] (''Šunkový nářez'') e [[lingua sueca|sueco]] (''Min oskuld och Pearl Harbor'').

 

[[Categoría:Obras literarias de 1982]]

[[Categoría:Obras narrativas en inglés]]