San Pedro de Losón, Vila de Cruces: Diferenzas entre revisións

'''San Pedro de Losón''' é unha parroquia que se localiza no concello de [[Vila de Cruces]]. Segundo o padrón municipal de [[2004]] tiña 131 habitantes (69 mulleres e 62 homes), distribuídos en 7 entidades de poboación, o que supón unha diminución en relación ao ano [[1999]] cando tiña 136 habitantes.

 

O [[río Deza]] separa esta parroquia das de [[Ponte, Silleda|Ponte]], coa [[Ponte do Pozo Negro]] entre ambas, e [[Saídres, Silleda|Saídres]], en [[Trasdeza]]. Destaca como elevación o monte do Oucido na parte sur da parroquia, atravesado na actualidade mediante un túnel pola [[Liña de alta velocidade Olmedo-Zamora-Galicia|liña de alta velocidade Santiago-Ourense]].

 

A súa historia está ligada á das súas parroquias veciñas: [[Fontao, Vila de Cruces|Fontao]] en [[Vila de Cruces]], [[Losón, Lalín|Losón]] en [[Lalín]], [[Ponte, Silleda|Ponte]] e [[Saídres, Silleda|Saídres]], estas últimas no concello de [[Silleda]]. Coa súa homónima lalinense foron frecuentes as disputas e rivalidades no tocante ao [[Santuario da Nosa Señora do Corpiño]], no linde entre ambas. Para Saídres e Fontao, esta parroquia foi unha vía de escape para os estraperlistas do [[volframio]]. Por último, a unión con Ponte dase dende a [[Idade Media]] grazas á construción dunha ponte sobre o [[río Deza]], que as separa e dá nome á primeira. Desta unión queda constancia no toponimo dos terreos próximos a onde esta ponte se erixía.

 

<gallery>

Ficheiro:Fachada igrexa de San Pedro de Losón, Vila de Cruces.JPG|Fachada da igrexa de San Pedro de Losón.

</gallery>

 

{{Lp San Pedro de Losón}}

{{Vila de Cruces}}

 

 

[[Categoría:Parroquias de Vila de Cruces]]