Carlos Callón: Diferenzas entre revisións

{{Biografía

|nome = {{PAGENAME}}

'''Carlos Manuel Callón Torres''', nado en [[Ribeira, Ribeira|Santa Uxía de Ribeira]] o [[26 de agosto]] de [[1978]], é licenciado en [[filoloxía]]s [[lingua galega|galega]] e [[lingua portuguesa|portuguesa]] pola [[Universidade de Santiago de Compostela]]. Exerce como profesor de lingua e [[literatura galega]] no ensino secundario.

 

Foi concelleiro por parte do [[BNG]] na súa vila natal entre xaneiro de [[2001]] e xuño de [[2002]], e membro do [[Consello Asesor de RTVE en Galicia]] entre [[2001]] e 2002. A partir de [[1995]] ocupou diversas responsabilidades na [[Mesa pola Normalización Lingüística]], organización de cuxa xunta directiva nacional é membro dende [[1995]] e que presidiu desde 2002 a [[2014]], sendo desde entón Presidente de Honra da entidade. É presidente tamén do padroado da [[Fundación Vía Galego]], desde a súa constitución en [[2006]]. Preside tamén a [[Fundación Via Galego]]<ref>[http://www.viagalego.org/ Páxina web] da Fundación Via Galego.</ref> e a federación estatal [[Diverslinguae]], desde a constitución de ambas, en [[2006]] e [[2008]], respectivamente.

 

É membro do [[grupo Galabra]] da USC e do consello de redacción de ''[[Longalingua. Publicación galega de lingua e sociedade]]''<ref>[http://www.amesanl.org/longalingua.html Páxina web] de Longalingua.</ref>. Colaborou nos primeiros pasos da [[Biblioteca Virtual Galega]], da [[Universidade da Coruña]].

 

É autor de diversos traballos centrados na [[sociolingüística]] e mais nos estudos literarios, dados a coñecer en diferentes congresos e revistas especializadas. Así mesmo, é autor dos libros ''Unha historia que nos pertence (A obra poética en galego de [[Lorenzo Varela]])'' (2005) e ''En castellano no hay problema'' (2010), no cal aborda a situación do idioma galego nos últimos tres lustros, facendo especial fincapé na política lingüística do bipartito e do comezo da lexislatura de [[Alberto Núñez Feijóo]]<ref>[http://www.xerais.es/cgigeneral/newFichaProducto.pl?obrcod=2576286&id_sello_editorial_web=13&id_sello_VisualizarDatos=13 Sinopse do libro no web de Edicións Xerais]</ref>.

 

En febreiro de 2011 gañou o XVI [[premio Vicente Risco]] de Ciencias Sociais coa obra ''Amigos e sodomitas. A configuración da homosexualidade na Idade Media''<ref>[http://www.culturagalega.org/noticia.php?soportal=lg3&id=18481 "Carlos Callón gaña o Vicente Risco de ensaio cunha obra sobre a homosexualidade na Idade Media"], artigo en www.culturagalega.org, 28 de febreiro de 2011.</ref>, na que analiza a aceptación da ''[[adelphopoiesis]]'' na [[Idade Media]]. Entre outra documentación, analiza un documento de [[1061]] recollido no [[Tombo de Celanova]], polo cal Pedro Díaz e Muño Vandilaz subscribían unión en [[Rairiz de Veiga]].

 

 

 

 

 

<gallery>

Ficheiro:Carlos Manuel Callón Torres.jpg

</gallery>

 

{{referencias}}

 

 

{{ORDENAR:Callon, Carlos}}

[[Categoría:Políticos do BNG]]

[[Categoría:Nados en Ribeira]]

[[Categoría:Nados en 1978]]