Historia da China: Diferenzas entre revisións

== División política: os liaos, os sungs, os xias occidentais, os jins ==

 

 

En [[960]], a [[Dinastía Sung]] (960-[[1279]]) logrou controlar a maior parte da China e escolleu a [[Kaifeng]] para establecer a súa capital, dando comezo a un período de prosperidade económica, en canto que a [[Dinastía Liao]] dos ''khitans'' gobernaba a [[Manchuria]] e a [[Mongolia]]. No ano [[1115]], subiu ao poder a [[Dinastía Jin (1115-1234)]], dos ''jurchens''<ref>Non confundir esta Dinastía Jin, dos ''jurchens'', coas outras tres homónimas que gobernaron a China en diferentes períodos.</ref>, e, en dez anos, aniquilou a Dinastía Liao. Tomou a China setentrional e Kaifeng das mans da Dinastía Sung, forzándoa a transferir a súa capital cara [[Hangzhou]] e a recoñecer os jins como sucesores. A China encontrábase entón dividida entre a Dinastía Jin, ao norte, a Dinastía Sung Meridional, ao sur, e os xias occidentais, a oeste. Os sungs meridionais pasarían por un período de grande desenvolvemento tecnolóxico, posibelmente debido en parte á presión militar que sufrían na súa fronteira setentrional.