Malemo Caná: Diferenzas entre revisións
Nova páxina: '''Malemo Caná''' (séculos XV e XVI) é o nome dun incógnito navegante árabe, que axudou a Vasco da Gama a chegar á India, partindo desde Melinde, cidade hoxe sita... |
(Sen diferenzas.)
|
Revisión como estaba o 9 de abril de 2007 ás 20:02
Malemo Caná (séculos XV e XVI) é o nome dun incógnito navegante árabe, que axudou a Vasco da Gama a chegar á India, partindo desde Melinde, cidade hoxe sita en Quenia.
Malemo Canà é o nome utilizado por Joâo de Barros, Décadas da Ásia (1552-1613), outra variante de leitura é Melemo Cana; en Gois e Castanheda figura como Canaqua.
O relato de Joao de Barros
Logo de entrar no Océano Índico, Vasco da Gama, chegou a illa de Mozambique, cuxo xeque lle promete un piloto que o guíe para India, o que compre; o piloto leva a frota portuguesa, onde fuxe, mentres os musulmanos que alí dominan téndenlle unha emboscada, da que logra escapar. De aí, consigue arribar a Melinde. O rei de Melinde recíbeo de bon talante e promételle un piloto experto que o conducira á India. Barros narra así o encontro de Vasco da Gama e Malemo Canà:
- entre os cales viña um mouro guzarate de nazón, chamado Malemo Caná, o cal, así polo contentamento que tivo da conversación dos nosos, como para compracer el-rei, que buscaba piloto para lles dar, aceitou querer ir con eles. Do saber do cal, Vasco da Gama despois que praticou con el, ficou muito contente, principalmente cando lle mostrou unha carta de toda a India, arrumada ao modo dos mouros, que era en meridianos e paralelos mui miudos, sen outro rumo dos ventos...
Caná acompañou e guiou a frota portuguesa ata Calecute e axudou nas primeiras negociacións de Vasco da Gama con as autoridades da cidade.
Interpretación
Resulta indudábel que Vasco da Gama buscaba un piloto para navegar no ïndico, cousa que non era doada. Ao igual que no Atlántico - onde os ventos alisios obrigaba a internarse no medio do océano, para logo virar a favor dos contralisios no hemisferio sur, e poder chegar logo ata a costa africana, o novo mar era unha incógnita para os navegadores portugueses que por vez primeira se internaron nel. De aí a busca ansiosa de Da Gama para conseguir un piloto, sabendo ben que os musulmanes dominaban o Índico. A información sobre estes asuntos obraba en poder da Casa real portuguesa remitida por Pero da Covilhâ, explorador que estivera na mesma India, chegando por outros camiños.
Malemo Caná, segundo certos investigadores, é identificado con o explorador árabe Ahmed ibn Majid / Ahmad ibn Majid, o que non é doado de probar.